તમારા કામનું / PM મોદીએ લોન્ચ કરી ઉજ્જવલા 2.0 યોજના, આ રીતે ફ્રી મળશે ગેસ કનેક્શન અને એક સિલિન્ડર

આજે પ્રધાનમંત્રી નરેન્દ્ર મોદી દ્વારા ઉજ્જવલા 2.0 યોજના લોન્ચ કરવામાં આવી હતી. ઉત્તરપ્રદેશના મહોબા જિલ્લામાં LPG કનેક્શન આપવામાં આવ્યા હતાં. આ કાર્યક્રમમાં ઉત્તરપ્રદેશના મુખ્યમંત્રી યોગી આદિત્યનાથ પણ ઉપસ્થિત રહ્યા હતા. આ સાથે ઉપમુખ્યમંત્રી કેશવ મોર્ય અને દિનેશ શર્મા જેવા મોટાં નેતાઓ પણ ઉપસ્થિત રહ્યા હતા. સમગ્ર કાર્યક્રમ વિડીયો કોન્ફરન્સિંગના માધ્યમથી કરવામાં આવ્યો હતો. 

Speaking at the launch of #PMUjjwala2. https://t.co/720VRhaqWT

— Narendra Modi (@narendramodi) August 10, 2021

એડ્રેસ પ્રૂફ વિના મળી શકશે ગેસ કનેક્શન 
ઉજ્જવલા 2.0 ના લાભ લેનાર તમામ પ્રવાસીઓને રેશન કાર્ડ અને એડ્રેસ પ્રૂફ વિના જ આ યોજનાનો લાભ મળી શકશે. તેમણે ઓળખપત્રો બતાવવાની કોઈ જરૂર નહીં પડે. જરૂરિયાતમંદ પરિવારો હવે પોતે જ આવેદન આપીને આ યોજનાનો લાભ લઈ શકશે અને આ રિતે સરકારના હેતુને સિદ્ધ કરવામાં પ્રોત્સાહન મળશે. 

ઉજ્જવલા યોજનામાં આટલું હશે તો જ થઈ શકે છે અપ્લાય 
- મહિલાએ કરવાનું રહેશે અપ્લાય
- 18 વર્ષથી વધારે ઉંમર હોવી જોઈએ  
- BPL પરિવારની મહિલા હોવી જોઈએ 
- રેશન કાર્ડ અને BPL કાર્ડ હોવું જોઈએ 
- પરિવારના કોઈ અન્ય સદસ્યના નામે LPG કનેક્શન ન હોવું જોઈએ 

આ રીતે ફોર્મ ભરો 

 સૌપ્રથમ pmuy.gov.in/ujjwala2.html આ લિન્ક પર જઈને ક્લિક કરો

ત્યાર બાદ એક ફોરમ આવશે 

આ ફોરમ ડાઉનલોડ કરો 

ફોરમ ભરીને નજીકના LPG કેન્દ્ર પર જમા કરાવી દો 

આ રીતે તમારી માહિતીનું વેરિફિકેશન થયા બાદ તમને કનેક્શન મળી જશે 

મોદી સરકાર દ્વારા અગાઉ 2016 માં પણ આ યોજનાનો લાભ આપવામાં આવ્યો હતો. હવે આ વર્ષે એક કરોડ ઉપભોક્તાઓને આ યોજનાનો લાભ આપવા માટે સરકાર કટિબદ્ધ છે.