BIG NEWS / PM મોદીએ મણિપુર મુદ્દે સંસદમાં આપ્યું નિવેદન, કહ્યું દેશ તમારી સાથે છે, શાંતિનો સૂરજ ઊગશે

• PM મોદીએ સદનમાં મણિપુર મુદાની વાત કરી
• કહ્યું મણિપુરમાં શાંતિનો સૂરજ ઊગશે
• PM મોદીએ મણિપુરનાં લોકોને આશ્વાસન આપ્યું

સદનમાં PM મોદીનાં ભાષણ દરમિયાન રાહુલ ગાંધી સહિત સમગ્ર વિપક્ષે વૉક આઉટ કર્યું. આ દરમિયાન PM મોદીએ મણિપુર હિંસાને લઈને મૌન તોડતાં કહ્યું કે હું મણિપુરની માતા-બહેનોને કહેવા ઈચ્છું છું કે દેશ તમારી સાથે છે, આ સદન તમારી સાથે છે. 

મણિપુરમાં શાંતિનો સૂરજ ઊગશે-PM મોદી
PM મોદીએ સદનમાં કહ્યું કે, "મણિપુરમાં અદાલતનો એક ફેંસલો આવ્યો અને તે બાદ હિંસાનો દોર શરૂ થયો, અનેક લોકોએ સ્વજન ગુમાવ્યા. મહિલાઓ સાથે ગંભીર અપરાધ થયા, દોષિતોને કડકમાં કડક સજા અપાવવા માટે કેન્દ્ર સરકાર અને રાજ્ય સરકાર મળીને પ્રયાસ કરી રહી છે. મણિપુરમાં સરકાર જે રીતે પ્રયાસ કરી રહી છે, શાંતિનો સૂરજ જરૂર ઊગશે. હું મણિપુરની માતા-બહેનો અને દીકરીઓને કહેવા માંગુ છું કે દેશ અને આ સંસદ તમારી સાથે છે. આપણે બધા મળીને આ પડકારનો સમાધાન કાઢીશું અને મણિપુર ફરી વિકાસની રાહ પર તેજ ગતિથી આગળ વધે તેના માટે કોઈ જ પ્રયાસોમાં કમી રહેશે નહીં."

મણિપુર હિંસાનાં મુદે વિપક્ષ પર નિશાન
મણિપુર હિંસાનાં ગંભીર મુદાનો ઉલ્લેખ કરતાં PM મોદીએ વિપક્ષ પર પ્રહાર કરતાં કહ્યું કે," અમે કહ્યું હતું કે આવો મણિપુર પર ચર્ચા કરો, ગૃહમંત્રીએ પત્ર લખીને ચર્ચા માટે કહ્યું હતું કે વિપક્ષે સહમતી ન આપી.ગઇકાલે ગૃહમંત્રીએ 2 કલાક સુધી મણિપુરને લઈને વિસ્તારથી દેશની ભલાઈ માટે વક્તવ્ય આપ્યું પરંતુ આ લોકોને રાજકારણ સિવાય કશું કરવું જ નથી, એટલે આવા ખેલ કર્યા."