રાજનીતિ / VIDEO : PM મોદીએ 'કેરલા સ્ટોરી'ને ગણાવી આતંકી ષડ્યંત્ર પર આધારિત ફિલ્મ, કહ્યું કોંગ્રેસથી સાવધાન થઈ જવાની જરૂર છે

• PM મોદીએ કર્ણાટકમાં કર્યું જનસંબોધન
• કોંગ્રેસ પાર્ટી અને આતંકવાદ પર બોલ્યાં PM
• ધ કેરળ સ્ટોરી ફિલ્મનો પણ કર્યો ઉલ્લેખ

બજરંગ દળ પર પ્રતિબંધ લગાવવાનાં કોંગ્રેસનાં ઘોષણાપત્રનાં વાયદાને લઈને PM મોદી સતત પ્રહારો કરી રહ્યાં છે. તેમણે શુક્રવારે કર્ણાટકનાં બલ્લારીમાં એક જનસભાનું સંબોધન કરતાં કહ્યું કે કોંગ્રેસનાં ઘોષણાપત્રમાં ઘણાં ખોટા વાયદાઓ છે. કોંગ્રેસનું ઘોષણાપત્ર એટલે કે તાળાબંધી અને તુષ્ટિકરણનો સમૂહ. હવે તો કોંગ્રેસની સ્થિતી એટલી બગડી ગઈ છે કે તેમના પગ કાંપી રહ્યાં છે અને તેથી જ કોંગ્રેસને મારા 'જય બજરંગ બલી' બોલવા પર પણ આપત્તિ થવા લાગી છે.

#WATCH | "We have the roadmap to make Karnataka number 1. But Congress' manifesto has only fake narratives and bans in it. They are in such a condition that they are shivering. They dislike me invoking Bajrang Bali," says PM Narendra Modi in Ballari, Karnataka pic.twitter.com/HefULVJtsI

— ANI (@ANI) May 5, 2023

કોંગ્રેસનાં શાસન પર લગાવ્યો પ્રશ્નાર્થ ચિહ્ન
તેમણે કહ્યું કે પોતાની વોટબેંક માટે કોંગ્રેસે આતંકવાદની સામે માથું નમાવ્યું છે. આવી પાર્ટી શું ક્યારેય કર્ણાટકની રક્ષા કરી શકશે? આતંકનાં માહોલમાં અહીંનાં ઉદ્યોગ, IT, ખેતી અને ગૌરવમયી સંસ્કૃતિ બધું જ નષ્ટ થઈ જશે.

પિસ્તોલનાં અવાજો સંભળાઈ રહ્યાં છે...-PM
છેલ્લાં કેટલાક વર્ષોમાં આતંકવાદનું વધુ એક ભયંકર સ્વરૂપ પેદા થઈ ગયું છે. બોમ્બ, બંદૂક અને પિસ્તોલનાં અવાજો સંભળાઈ રહ્યાં છે. પરંતુ સમાજને અંદરથી ખાલી/નષ્ટ કરવાનો કોઈ અવાજ નથી હોતો.

#WATCH | 'The Kerala Story' film is based on a terror conspiracy. It shows the ugly truth of terrorism and exposes terrorists' design. Congress is opposing the film made on terrorism and standing with terror tendencies. Congress has shielded terrorism for the vote bank: PM… pic.twitter.com/qlUQlc3qQf

— ANI (@ANI) May 5, 2023

'ધ કેરળ સ્ટોરી' પર સાધ્યું તીર
PMએ કહ્યું કે આવાં જ એક ષડયંત્ર પર બનેલી ફિલ્મ 'ધ કેરેલા સ્ટોરી' આજકાલ ઘણી ચર્ચામાં છે. કહે છે કે કેરેલા સ્ટોરી માત્ર રાજ્યમાં થયેલ આતંકી ષડયંત્રો પર આધારિત છે. દેશનું આટલું સુંદર રાજ્ય કે જ્યાંના લોકો આટલા પરિશ્રમી અને પ્રતિભાશાળી હોય છે તે કેરળમાં ચાલી રહેલી આતંકી પ્રવૃતિનાં ખુલાસા આ ફિલ્મમાં કરવામાં આવ્યાં છે. આ ફિલ્મનો પણ કોંગ્રેસે વિરોધ કર્યો છે.