- આજે સ્વર્ણિમ વીજય દિવસ
- પાકિસ્તાન સામે 1971 નું યુદ્ધ જીત્યાને 50 વર્ષ
- રાષ્ટ્રીય યુદ્ધ સ્મારક પર પુષ્પાંજલિ અર્પણ કરી
આજે સ્વર્ણિમ વિજય વર્ષ સમારોહ
PM મોદી આજે સ્વર્ણિમ વિજય દિવસ એટલે કે વિજય દિવસના 50 વર્ષની યાદીના ભાગરૂપે શહીદોને શ્રદ્ધાંજલિ આપવા પહોંચ્યા હતા. તેમણે સ્વર્ણિમ વિજય મશાલનું સન્માન અને સ્વાગતમાં ભાગ લીધો હતો.
પુષ્પાંજલિ અર્પણ કરી
વડાપ્રધાન નરેન્દ્ર મોદીએ 50મા વિજય દિવસના અવસર પર રાષ્ટ્રીય યુદ્ધ સ્મારક પર પુષ્પાંજલિ અર્પણ કરી હતી. સાથે તેમણે વિજય મશાલનાં સન્માન સમારોહમાં પણ ભાગ લીધો હતો. તેમણે શહીદ જવાનોને શ્રદ્ધાંજલિ આપી હતી.
પીએમ મોદીએ વીજય દિવસની 50મી વર્ષગાંઠ પર યુદ્ધના નાયકોને સલામ કરી. તેમણે કહ્યું કે હું ભારતીય સશસ્ત્ર દળોના મુક્તિ વોરિયર્સ, વેટરન્સ અને હીરો દ્વારા કરવામાં આવેલ મહાન બહાદુરી અને બલિદાનને યાદ કરું છું. આપણે સાથે મળીને દમનકારી દળો સામે લડ્યા અને તેમને હરાવ્યા હતા.
પ્રધાનમંત્રી મોદીએ આ અવસરે ચાર મશાલો જે ગયા વર્ષે વડાપ્રધાન દ્વારા પ્રગટાવવામાં આવેલી હતી. આ ચાર મશાલોને સમગ્ર દેશમાં સિયાચીનથી કન્યાકુમારી, આંદામાન અને નિકોબારથી લોંગેવાલા, કચ્છના રણ અને અગરતલા સુધી ફેરવવામાં આવી હતી.
તો બીજી તરફ બાંગ્લાદેશમાં રાષ્ટ્રપતિ રામનાથ કોવિંદની હાજરી બાબતે તેમણે કહ્યું હતું કે આ બાબત દરેક ભારતીય માટે વિશેષ મહત્વ ધરાવે છે.
વિજય દિવસ
16 ડિસેમ્બર, 1971ના ઐતિહાસિક વિજયનો આનંદ આજે પણ દરેક દેશવાસીના હૃદયમાં એક અલગ જ ઉત્સાહ ભરે છે. આ દિવસને આપણે વિજય દિવસ તરીકે ઉજવીએ છીએ. આ દિવસે ભારતે પાકિસ્તાનના દાંત ખાટા કરી મૂક્યા હતા.
16 ડિસેમ્બર એ જવાનોની બહાદુરીને સલામ કરવાનો દિવસ છે. આ પ્રસંગે વડાપ્રધાન નરેન્દ્ર મોદી આજે રાષ્ટ્રીય યુદ્ધ સ્મારક ખાતે સુવર્ણ વિજય મશાલના સ્વાગતમાં હાજરી આપી હતી. ગયા વર્ષે વડાપ્રધાન દ્વારા પ્રગટાવવામાં આવેલી આ ચાર મશાલોને સમગ્ર દેશમાં સિયાચીનથી કન્યાકુમારી, આંદામાન અને નિકોબારથી લોંગેવાલા, કચ્છના રણ અને અગરતલા સુધી ફેરવવામાં આવી હતી.
બાંગ્લાદેશને અસ્તિત્વમાં આવ્યાને 50 વર્ષ પૂર્ણ થયા છે. ભારત આ દિવસને વિજય દિવસ અને બાંગ્લાદેશના બિજોય દિબોસના નામે ઉજવે છે. 1971 માં ભારત અને પાકિસ્તાન વચ્ચે યુદ્ધ થયું હતું. 1965 માં ભારતે પાકિસ્તાનને સજ્જડ પરાજય આપ્યો હતો અને ફરી 1971 માં પણ પાકિસ્તાન સામે ભારતનો વિજય થયો હતો અને સાથે સાથે બાંગ્લાદેશ નામના નવા જ રાષ્ટ્રનો જન્મ થયો હતો.
આ હતી સમસ્યા
પૂર્વ અને પશ્ચિમ પાકિસ્તાનનો વહીવટ કરવો આસાન નહોતો. ઉપરથી તેના સંબંધો પણ આપસમાં બગડતા જ રહેતા હતા. તેઓની ભાષા, સંસ્કૃતિ, અને રહેણી કરણી એકદમ અલગ હોવાથી સંઘર્ષ વ્યાજબી જ હતો. ભારતની મદદથી બાંગ્લાદેશને આ સંઘર્ષમાં સફળતા મળી હતી અને આઝાદી મળી ગઈ હતી.
