- કર્ણાટક વિધાનસભા ચૂંટણી માટે પ્રચાર હવે અંતિમ તબક્કામાં
- આવતીકાલે સાંજે 5 વાગ્યાથી ચૂંટણી પ્રચાર સંપૂર્ણપણે બંધ
- ભાજપ તરફથી વડાપ્રધાન નરેન્દ્ર મોદી અને ગૃહમંત્રી અમિત શાહ મેદાનમાં
- કોંગ્રેસનાં પૂર્વ અધ્યક્ષ રાહુલ ગાંધી અને પ્રિયંકા ગાંધી પણ કરશે રોડ શો
કર્ણાટક વિધાનસભા ચૂંટણી માટે પ્રચાર હવે અંતિમ તબક્કામાં છે. રાજ્યમાં આજે રાજકીય રવિવાર જોવા મળશે. એક તરફ દેશના વડાપ્રધાન નરેન્દ્ર મોદી અને ગૃહમંત્રી અમિત શાહ મેદાનમાં છે, તો બીજી તરફ કોંગ્રેસ તરફથી રાહુલ ગાંધી અને પ્રિયંકા ગાંધી પણ ધૂમ મચાવતા જોવા મળશે. એકંદરે આજે ચૂંટણી રાજ્યમાં અનેક જાહેરસભાઓ જોવા મળશે. કર્ણાટક વિધાનસભા ચૂંટણી પ્રચાર સોમવારે સમાપ્ત થશે. આવતીકાલે સાંજે 5 વાગ્યાથી ચૂંટણી પ્રચાર સંપૂર્ણપણે બંધ થઈ જશે.
કર્ણાટક વિધાનસભાની ચૂંટણીને લઈ પ્રચાર માટે હવે ભાજપ અને કોંગ્રેસ બંને પાસે માત્ર એક જ દિવસની તક છે. આ તરફ વડાપ્રધાન નરેન્દ્ર મોદીનો આજે રોડ શો છે. આ તેમનો બીજો રોડ શો હશે જે સવારે 10.00 થી 11.30 સુધીનો રહેશે. PM મોદીએ આદેશ આપ્યો છે કે, NEETની પરીક્ષાઓ હોવાથી આજનો કાર્યક્રમ ટૂંકો રાખવામાં આવે. પીએમ મોદીનો ચૂંટણી કાર્યક્રમ આજે સમાપ્ત થશે. 10 મેના રોજ મતદાન થવાનું છે.
PM મોદીએ NEETની પરીક્ષાના કારણે ટૂંકાવી દીધો રોડ શો
પીએમ મોદીના રોડ શોનો સમય આજે ઘટાડી દેવામાં આવ્યો છે. આજે પીએમ મોદીનો માત્ર દોઢ કલાકનો રોડ શો થશે. કહેવાય છે કે, આજે NEETની પરીક્ષા હોવાથી PMએ પોતે આ નિર્ણય લીધો છે. PMએ આ નિર્ણય એટલા માટે લીધો છે કે, પરીક્ષાર્થીઓને આવવા-જવામાં કોઈ મુશ્કેલી ન પડે. આ રોડ શો માત્ર 6.1 કિલોમીટરનો હશે. કેમ્પેગોડા સ્ટેચ્યુ ન્યૂ ટિપ્પાસન્દ્રાથી શરૂ થઈને ટ્રિનિટી સર્કલ, એમજી રોડ સુધી જશે.
PM મોદી કરશે ભગવાન શિવના દર્શન
રોડ શો બાદ PM મોદી શિવમોગા ગ્રામીણમાં રેલી પણ કરવાના છે. PM 1.30 સુધીમાં અહીં પહોંચી જશે. અહીંથી પીએમ બપોરે 3.30 વાગ્યે નંજનગુડ પહોંચશે, જ્યાં તેઓ એક રેલીને સંબોધિત કરશે. રવિવારે સાંજે વડાપ્રધાન નંજનગુડમાં શ્રીકાંતેશ્વરના પ્રખ્યાત મંદિરમાં દર્શન અને પૂજા સાથે ચાર રેલીઓ સાથે તેમના પ્રચારનો અંત કરશે. પીએમ નરેન્દ્ર મોદી આવતીકાલે શિવના દર્શન કરીને કર્ણાટક ચૂંટણી પ્રચારનું સમાપન કરશે.
PM મોદી ચૂંટણી પ્રચારનું સમાપન કરશે
PM મોદીના ચૂંટણી પ્રચારનો આજે છેલ્લો દિવસ છે. કોઈ કસર છોડવા માંગતું નથી. જ્યારથી PM મોદીએ કર્ણાટક ચૂંટણીમાં કાર્યભાર સંભાળ્યો છે ત્યારથી ભાજપની સ્થિતિમાં થોડો સુધારો થયો છે. આજે ચૂંટણી કાર્યક્રમ પૂરો કર્યા બાદ PM સાંજે 5 વાગે મૈસૂરના નંજનગુડુ ખાતે શ્રી કંથેશ્વર મહાદેવ મંદિરની મુલાકાત લેશે. કાઠેશ્વર મહાદેવના દર્શન કર્યા બાદ પીએમ મોદી દિલ્હી પરત ફરશે. પ્રસિદ્ધ શિવ મંદિર મૈસુરના ચામરાજનગર મતવિસ્તારમાં આવેલું છે.
રાજકીય રવિવાર વચ્ચે રાહુલ ગાંધી અને પ્રિયંકા ગાંધી પણ મેદાનમાં
કર્ણાટક વિધાનસભા ચૂંટણી માટે પ્રચાર હવે અંતિમ તબક્કામાં છે. રાજ્યમાં આજે રાજકીય રવિવાર જોવા મળશે. ભાજપ વતી વડાપ્રધાન રાજધાની બેંગલુરુમાં હશે જ્યારે કેન્દ્રીય ગૃહમંત્રી અમિત શાહ બેલાગવી અને અન્ય વિસ્તારોમાં રહેશે. શાહ અહીં કુલ 4 રોડ શો અને જનસભાને સંબોધશે. કોંગ્રેસ પણ પ્રચારમાં પાછળ નથી. કોંગ્રેસ વતી પાર્ટીના પૂર્વ અધ્યક્ષ રાહુલ ગાંધી આજે બેંગલુરુમાં હશે, જ્યાં તેઓ બે શેરી કોર્નર મીટિંગ કરશે અને પ્રિયંકા ગાંધી સાથે રોડ શો પણ કરશે. આ સિવાય પ્રિયંકા બે રોડ શો અને બે જાહેર સભા પણ કરશે.
