ના હોય / 'નહીં કરું નોકરી..', 400 કરોડ હાથ લાગતાં જ શખ્સે કર્યું એલાન, એક ફોનની ઘંટડીએ બદલી નાખી જિંદગી

• એક શખ્સે લોટરીમાં 432 કરોડ રૂપિયાની રકમ જીતી
• શખ્સે નોકરીમાંથી નિવૃત્તિ લેવાની જાહેરાત કરી
• પૌત્ર ક્રિસમસ પર ડોગ ઈચ્છે છે, હવે હું ખરીદી લઇશ 

એક શખ્સે પાવરબોલ ગેમમાં 432 કરોડ રૂપિયાની રકમ જીતી

લોટરી રમનારા ઓસ્ટ્રેલિયન શખ્સે પાવરબોલ ગેમમાં 432 કરોડ રૂપિયાની રકમ જીતી. વિજેતાએ કરોડો રૂપિયાની રકમ જીત્યા બાદ તાત્કાલિક જાહેરાત કરી દીધી કે હવે તે નોકરી નહીં કરે અને નિવૃત્તિ લઇ રહ્યાં છે. આ દરમ્યાન તેમની આંખમાં આંસૂ પણ આવી ગયા. લોટરી જીત્યા બાદ શખ્સે એક ન્યુઝ વેબસાઈટ સાથે વાતચીત કરતા કહ્યું, મેં ક્યારેય પણ વિચાર્યુ નહોતુ કે મને જેકપોટ રકમ જીતવાનો કોલ આવશે અને મારું જીવન બદલાઈ જશે. જો કે, વિજેતાની ઓળખ જાહેર કરવામાં આવી નથી. 

હું મારા પૌત્ર માટે શ્વાન લેવા માંગુ છુ: વિજેતા

વિજેતાએ કહ્યું કે મારો પરિવાર કમ્પલીટ છે, મારો પૌત્ર ક્રિસમસ માટે શ્વાન માંગે છે, જે તેને આપવાની કોશિશ કરીશ. હવે તેમની પાસે વિશ્વભરના શ્વાન હોઇ શકે છે. આ શખ્સે કહ્યું કે હું પોતાની સર્વિસ પૂરી કરી ચૂક્યો છુ, હવે નિવૃત્તિ લઇ લઈશ. ઉલ્લેખનીય છે કે પાવરબોલ ડ્રોની 1296 કરોડ રૂપિયાની ઈનામી રકમ, ત્રણ લકી વિજેતાઓમાં વહેંચવામાં આવી. ગયા મહિનાની 27 તારીખે જ્યારે પાવરબોલ ડ્રો કાઢવામાં આવી તો વિનર નંબર 10, 4, 12, 18, 2, 34 અને 7 હતા. સૌથી મહત્વપૂર્ણ પાવરબોલ નંબર 7 હતો.

જ્યારે શખ્સે લૉટરીમાં જીત્યા 16605 કરોડ

થોડા દિવસો પહેલા અમેરિકામાં પાવરગેમ રમનારા શખ્સે 16605 કરોડ રૂપિયાની ઈનામી રકમ પોતાના નામે કરી હતી. શખ્સે લોટરીની ટીકિટ અમેરિકાના કેલિફોર્નિયામાંથી ખરીદી હતી.