ખુલાસો / દાઉદને લઈને અત્યાર સુધીના સૌથી મોટા સમાચાર, પાકિસ્તાને આખરે પ્રથમ વખત કરી આ કબૂલાત

• અંડરવર્લ્ડ ડોન દાઉદ ઇબ્રાહિમને સૌથી મહત્વના સમાચાર
• પહેલી વાર પાકિસ્તાને કરી કબૂલાત
• પાકિસ્તાનને જાહેર કરેલી આતંકવાદીની યાદીમાં દાઉદના નામ

ઉલ્લેખનીય છે કે, પાકિસ્તાને એક યાદી જાહેર કરી તેમાં 88 આંતકીઓના નામ છે. જેમાં અંડરવર્લ્ડ ડોન દાઉદ ઇબ્રાહિમનું પણ નામ સામેલ છે. આપને જણાવી દઇએ કે, દાઉદ પાકિસ્તાનમાં હોવાની વાત વારંવાર ભારત સહિત અને રાષ્ટ્રો દ્વારા કરવામાં આવી છે પરંતુ પાકિસ્તાને હંમેશા નનૈયો જ ભણ્યો છે ત્યારે આજે 88 આતંકીઓની યાદી જાહેર કરી જેમાં દાઉદનો પણ સમાવેશ હોવાનું સામે આવ્યું છે.

સંપત્તિ જપ્ત કરવાનો હુકમ

મળતી માહિતી મુજબ આ આતંકી સંગઠનો અને તેમના વડાની તમામ સંપત્તિ કબજે કરવા અને બેંક ખાતાઓ સીલ કરવાના આદેશો આપવામાં આવ્યા છે. જૂન 2018 માં, પેરિસ સ્થિત FATFએ પાકિસ્તાનને 'ગ્રે લિસ્ટ' પર મૂક્યું હતું અને ઈસ્લામાબાદને 2019 ના અંત સુધીમાં એક્શન પ્લાન લાગુ કરવા કહ્યું હતું, પરંતુ કોવિડ -19 રોગચાળાને કારણે અંતિમ મુદત લંબાવી દેવામાં આવી હતી.

સરકારે 18 ઓગસ્ટના રોજ બે સૂચનાઓ બહાર પાડીને, 26/11 ના મુંબઇ હુમલાના માસ્ટર માઇન્ડ અને જમાત-ઉદ-દાવાના નેતા અઝહર અને અંડરવર્લ્ડ ડોન ઇબ્રાહિમ પર પ્રતિબંધો જાહેર કર્યા હતા. 1993 ના મુંબઈ બોમ્બ ધડાકા પછી ઇબ્રાહિમ ભારત માટે મોસ્ટ વોન્ટેડ આતંકવાદી તરીકે સામે આવ્યો છે.

UNSC સૂચિ પ્રમાણે પ્રતિબંધો

પાકિસ્તાની અખબાર 'ધ ન્યૂઝ' ના સમાચાર મુજબ, પાકિસ્તાન સરકારે તાજેતરમાં સંયુક્ત રાષ્ટ્ર સુરક્ષા પરિષદ (UNSC)  દ્વારા બહાર પાડવામાં આવેલી નવી સૂચિનું પાલન કરવા માટે 88 વડા અને આતંકવાદી જૂથોના સભ્યો પર પ્રતિબંધો લગાવ્યા છે. સૂચનાઓમાં જાહેર કરાયેલ પ્રતિબંધો જમાત-ઉદ-દાવા, જૈશ-એ-મોહમ્મદ, તાલિબાન, દાએશ, હક્કાની જૂથ, અલ કાયદા અને અન્ય પર લાદવામાં આવ્યા છે.