World Cup 2023 / Warm-up Match: NZvPAK : ભારતમાં પહેલી જ મેચમાં પાકિસ્તાનની કારમી હાર, 345 રનનો ટાર્ગેટ છતાં ન્યુઝીલેન્ડની 5 વિકેટે આસાન જીત

• 7 વર્ષ બાદ ભારત આવેલી પાકિસ્તાની ટીમની અહીં ખરાબ શરૂઆત થઈ
• પાકિસ્તાની ટીમ તેની પ્રથમ પ્રેક્ટિસ મેચમાં ન્યુઝીલેન્ડ સામે 5 વિકેટે હારી ગઈ
• બાંગ્લાદેશની ટીમે પણ પોતાની પ્રથમ વોર્મ-અપ મેચમાં શ્રીલંકાને હરાવ્યું હતું

વર્લ્ડ કપ 2023ની એક્શન આખરે ભારતમાં શરૂ થઈ ગઈ છે. દસ ટીમોની ટૂર્નામેન્ટની મેચો 5 ઓક્ટોબરથી શરૂ થશે. પરંતુ ટૂર્નામેન્ટની પ્રેક્ટિસ મેચો શુક્રવાર, 29 સપ્ટેમ્બરથી શરૂ થઈ અને ટીમોએ ભારતીય પરિસ્થિતિઓ અને મેદાનમાં પોતાનું પરીક્ષણ કરવાનું શરૂ કર્યું. 7 વર્ષ બાદ ભારત આવેલી પાકિસ્તાની ટીમની અહીં ખરાબ શરૂઆત થઈ હતી. બાબર આઝમની કપ્તાનીવાળી પાકિસ્તાની ટીમ તેની પ્રથમ પ્રેક્ટિસ મેચમાં ન્યુઝીલેન્ડ સામે 5 વિકેટે હારી ગઈ હતી. આ સિવાય વિવાદોથી ઝઝૂમી રહેલી બાંગ્લાદેશની ટીમે પણ પોતાની પ્રથમ વોર્મ-અપ મેચમાં શ્રીલંકાને 7 વિકેટે હરાવ્યું હતું.

What a run chase! 👌

New Zealand start their #CWC23 preparations with a stunning win over Pakistan in Hyderabad 👏#NZvPAK | #CWC23 | 📝: https://t.co/rEthdn9SdD pic.twitter.com/arou5fEUs7

— ICC (@ICC) September 29, 2023

તમામ ખેલાડીઓને તક આપી 

હૈદરાબાદના રાજીવ ગાંધી સ્ટેડિયમમાં રમાયેલી આ મેચમાં બંને ટીમોએ પોતાના લગભગ તમામ ખેલાડીઓને તક આપી હતી. જો કે, ન્યુઝીલેન્ડે અનુભવી ફાસ્ટ બોલર ટ્રેન્ટ બોલ્ટને બોલિંગ આપી ન હતી, જ્યારે કેપ્ટન કેન વિલિયમસને માત્ર બેટિંગ કરી હતી. પાકિસ્તાન માટે આ મેચમાં સ્ટાર ફાસ્ટ બોલર શાહીન શાહ આફ્રિદીને આરામ આપવામાં આવ્યો હતો.