- ફિક્સ પે નીતિ મુદ્દે મંત્રી કનુ દેસાઈનું નિવેદન
- 'ફિક્સ પે બાબતમાં હાલ કોઈ વિચારણા નથી'
- 'પ્રશ્ન આવશે ત્યારે તેનો પણ સુખદ ઉકેલ આવશે'
રાજ્ય સરકારની ફિક્સ પે નીતિનો સરકારી કર્મચારીઓ દ્વારા અવાર નવાર વિરોધ નોંધાવી રહ્યાં છે. કર્મચારીઓ સરકારને રજૂઆત કરી છે તેવું પણ જણાવે છે, ત્યારે ફિક્સ પેને લઇને મંત્રી કનુભાઇ દેસાઇનું નિવેદન સામે આવ્યું છે. તેમણે કહ્યું કે, ફિક્સ પે બાબતે કોઈ વિચારણા નથી
ફિક્સ પે મુદ્દે મંત્રી કનુ દેસાઈનું નિવેદન
ફિક્સ પે મુદ્દે કેબિનેટ મંત્રી કનુભાઈ દેસાઈનું નિવેદન સામે આવ્યું છે. તેમણે કહ્યું કે, ફિક્સ પે બાબતમાં હાલ કોઈ વિચારણા નથી કરવામાં આવી. જ્યારે આ મુદ્દે રજૂઆત આવશે ત્યારે યોગ્ય નિર્ણય લેવામાં આવશે. પ્રશ્ન આવશે ત્યારે તેનો પણ સુખદ ઉકેલ લાવવામાં આવશે. તેમણે કહ્યું કે તેના માટે એક બેઝ તૈયાર થાય પછી યોગ્ય નિર્ણય કરાશે.
શું છે ફિક્સ પે નીતિનો મુદ્દો
ફિક્સ પેનાં મુદ્દે થોડા દિવસ અગાઉ ભારતેંદૂ રાજગોરે જણાવ્યું હતું કે, સરકારને એક જ રજૂઆત છે કે, સુપ્રિમ કોર્ટમાં જે આ કેસ ચાલી રહ્યો છે. તે કેસ આપે જ કરેલ છે. જેને પરત ખેંચી લો. અમે તમામ ગુજરાતનાં કર્મચારી અને યુવાનોને ફિક્સ પગારમાંથી મુક્ત કરીને તેઓને રેગ્યુલર નિમણૂંક આપવાની કાર્યવાહી હાથ ધરવામાં આવે. ફિક્સ પગારમાં જે સરકારી મિત્રો છે તે તમામ લોકો 28 તારીખે પોસ્ટ ઓફિસમાં જઈ એક લેટર ડિઝાઈન કર્યો છે. તે લેટરની સાથે રાખડી વડાપ્રધાન તેમજ મુખ્યમંત્રીને મોકલશે.
ફિક્સ પે મુદ્દે કર્મચારીઓનો વિરોધ કાર્યક્રમ
7.9.2023 નાં રોજ જન્માષ્ટમીનાં તહેવારનાં દિવસે સરકારી ક્વાર્ટર છે ત્યાં મટકી ફોડ કાર્યક્રમનું આયોજન કર્યું છે. 16.9.2023 નાં રોજ તમામ કર્મચારીઓ રાજ્યપાલ, મુખ્યમંત્રીને લેટર લખશે કે આ ફીક્સ પગારની પ્રથા દૂર કરવામાં આવે. નવરાત્રી દરમ્યાન રીમુવ ફિક્સ પે નામનાં દીવડા કરીને ગરબાનું પણ આયોજન રાખેલ છે. તેમજ 4.11.2023 નાં રોજ બ્લેક સેટર ડે થકી જે પણ ફિક્સ પગારનાં કર્મચારીઓ છે તે કાળા કપડા પહેરી આ નીતીનો વિરોધ દર્શાવતા હોય તે રીતે ઓફીસમાં જઈ પોતાની ફરજ નિભાવશે.
.png)
