ચિંતાનો વિષય / અમેરિકામાં જંગલી જાનવરોમાં પહોંચ્યો કોરોના, ઓમિક્રોન વેરિએન્ટથી સફેદ હરણ થયું સંક્રમિત

• જંગલી જાનવરોમાં પહોંચ્યો ઓમિક્રોન
• માનવથી સંક્રમિત થાય છે જાનવર
• સમગ્ર વિશ્વમાં ફેલાયેલો છે આ વાયરસ

અમેરિકામાં સફેદ પૂંછડીવાળા હરણમાં ઓમિક્રોનનું સંક્રમણ જોવા મળ્યું છે. ત્યાં કોઈ જંગલી પશુમાં પહેલી વાર આ વાયરસ જોવા મળ્યો છે. સ્ટેટનમાં હરણમાં વાયરસ મળવાથી આ થિયરીને વધારે બળ મળ્યું છે કે, સફેદ પૂંછડીવાળા હરણ આસાનીથી સંક્રમિત થઈ શકે છે. તેનાથી ચિંતા વધી જાય છે કારણ કે અમિરાકમાં હરણ મનુષ્યોની નજીક રહે છે અને વાયરસ સંક્રમણ ફેલાવવા તથા મ્યૂટેશનનું કારણ બની શકે છે.

હરણમાં મનુષ્યોથી સંક્રમણ ફેલાઈ છે

જો કે, સંશોધનકર્તાઓ પહેલા જ બતાવી ચુક્યા છે કે, 2020ના અંતમાં આયોવા અને 2021ની શરૂઆતમાં ઓહિયોમાં હરણ મોટી સંખ્યામાં સંક્રમિત થયા હતા. અમેરિકી કૃષિ વિભાગે દેશના 13 રાજ્યોમાં હરણમાં સંક્રમણની પુષ્ટિ કરી છે. સંશોધનકર્તાઓનું કહેવું છે કે, હરણમાં મનુષ્યોથી સંક્રમણ ફેલાય છે અને પછી તે અન્ય હરણને સંક્રમિત કરે છે. હાલમાં હરણમાંથી પાછુ મનુષ્યમાં સંક્રમણ ફેલાવાના કોઈ પુરાવા નથી મળ્યા. પણ લાંબા ગાળે આ વાયરસ મ્યૂટેટ હોવાના અવસર ઉભા કરી શકે છે. 

દુનિયાભરમાં ફેલાઈ ચુક્યો છે કોરોના

2019ના અંતથી જ સમગ્ર દુનિયામાં કોરોનાના ખાત્માને લઈને જંગ ચાલું છે, અને અત્યાર સુધીમાં તેનાથી છૂટકારો મળ્યો નથી. મહામારી સામે આવ્યા બાદ સૌથી વધારે પ્રકોપ અમેરિકા પર રહ્યો છે. અહીં વાયરસનો કહેર પોતાની ચરમ પર છે. તો વળી કોવિડ 19 નો નવો વેરિએન્ટ ઓમિક્રોન 149 દેશોમાં ફેલાઈ ચુક્યો છે. જે બાદ ફરી એક વાર વાયરસથી સંક્રમિત લોકોની સંખ્યામાં તોતિંગ વધારો થયો છે. વૈશ્વિક સ્તર પર કોવિડ 19ના દૈનિક કેસોમાં સતત વધારો થઈ રહ્યો છે. દુનિયાભરમાં કુલ કોરોના વાયરસના કેસોની વાત કરીએ તો, આ આંકડો 39.5 કરોડને પાર પહોંચી ગયો છે. આ વાયરસથી અત્યાર સુધીમાં 57.4 લાખથી વધારે લોકના મોત થઈ ચુક્યા છે.