કામની વાત / ગેસ સિલિન્ડર લીક થાય તો ગભરાશો નહીં, તુરંત કરો આ કામ, નહીં તો સર્જાઇ શકે છે હોનારત

 

• રેગ્યુલેટર બંધ કરી દો
• ગેસ એજન્સીને જાણ કરો 
• બાળકોની પહોંચથી દૂર રાખો 

એક સમય હતો જ્યારે લોકો લાકડાની મદદથી રસોઈ બનાવતા હતા, પરતું આજે સમય બદલાઈ ગયો છે. આજે લોકો રસોઈ બનાવવા માટે ગેસ સિલિન્ડરનો ઉપયોગ કરે છે. ઘણી વાર ગેસ સિલિન્ડર લીક થવાની સમસ્યા સામે આવે છે. આ સમયએ યોગ્ય ધ્યાન ન દેવામાં આવે તો મોટી દુર્ઘટના થઈ શકે છે. 

ગેસ સિલિન્ડર લીક હોય ત્યારે આ ઉપાય કરો 
ધ્યાન રાખો કે તમને થોડી પણ દુર્ગંધ આવે તો સમજી જવું કે ગેસ સિલિન્ડર લીક થઈ રહ્યું છે. આ સ્થિતિમાં સૌપ્રથમ ઘરનાં બારી-દરવાજા ખોલી નાખો. બાકસ સળગાવશો નહીં. ઘરની લાઇટ ચાલુ ન કરો. બાળકોને દૂર રાખો. 

રેગ્યુલેટર બંધ કરી દો
ગેસ સિલિન્ડર લીક હોય તો રેગ્યુલેટર બંધ કરી દો. કારણકે જ્યાં સુધી રેગ્યુલેટર ચાલુ હશે ત્યાં સુધી ગેસ લીક થતો રહેશે. હજુ પણ ગેસ લીક થઈ રહ્યો હોય તો રેગ્યુલેટરને દૂર કરો અને સિલિન્ડર પર સેફ્ટી કેપ લગાવીને તેને બંધ કરો.

વાંચવા જેવું: તમારા બાળકને ટાંકણી, સિક્કા જેવી વસ્તુઓ મોઢામાં નાખવાની ટેવ છે? 2 વર્ષનો યુસુફ સોંય ગળી ગયો જુઓ પછી શું થયું?

ગેસ એજન્સીને જાણ કરો 
જો તમને ખબર પડે કે તમારું ગેસ સિલિન્ડર લીક થઈ રહ્યું છે તો ગેસ એજન્સી અથવા ડિલિવરીવાળા લોકોને જાણ કરો. એજન્સીની જવાબદારી બને છે કે તે તમારા સિલિન્ડરને તાત્કાલિક બદલી નાખે અને તમને નવો અને સાચો સિલિન્ડર આપે.

બાળકોની પહોંચથી દૂર રાખો 
જો તમને જાણ થાય કે ગેસ સિલિન્ડર વધુ લીક થઈ રહ્યું છે તો તેને ઘરની અંદર ન રાખો. કોઈ ખુલ્લી જગ્યાએ રાખો. ધ્યાન રાખો કે આ ગેસ સિલિન્ડર બાળકોની પહોંચથી દૂર રહે.