- ઓફિસમાં કામ કરતા આવે છે ઊંઘ?
- તો અપનાવો આ ટિપ્સ
- હંમેશા રહેશો એકદમ ફ્રેશ
સારી હેલ્થ માટે પુરતી ઊંઘ લેવી જરૂરી છે. આજકાલની લાઈફસ્ટાઈલમાં મોટાભાગે લોકોની ઊંઘ પુરી નથી થતી. તેના કારણે કામની વખતે ઊંઘ આવે છે. જો તમને ઓફિસમાં કામ કરતી વખતે અથવા અભ્યાસ કરતી વખતે ઊંઘ આવે છે તો આ ખબર તમારા માટે છે. આજે અમે તમને કંઈક એવી ટિપ્સ આપવા જઈ રહ્યા છીએ જેને ફોલો કરી તમે ઓફિસ અથવા અભ્યાસ કરતી વખતે ઊંઘની સમસ્યાથી છુટકારો મેળવી શકશો.
હેલ્ધી ડાયેટની કરો પસંદગી
એક્સપર્ટ્સના જણાવ્યા અનુસાર ઊંઘ ટાળવા માટે તંદુરસ્ત ડાયેટ લેવો જરૂરી છે. જો આપણે વધુ ચરબીયુક્ત ખોરાક ખાઈએ તો તે સુસ્તીનું કારણ બને છે. કામ દરમિયાન ઊંઘથી બચવા માટે પોષક તત્વો અને ફાઈબરથી ભરપૂર સંતુલિત અને સ્વસ્થ્ય ડાયેટ જેવા કે સૂપ અને સલાડ, દાળ અને ઘણાં બધા ફળો અને શાકભાજી ખાઓ.
પાવર નેપ લો
જો તમે ઘણા કલાકો સુધી એક જગ્યાએ બેસીને કામ કરો છો તો ઊંઘ આવવી સામાન્ય છે. જો તમને ઓફિસ અથવા અભ્યાસ કરતી વખતે વધુ ઊંઘ આવે છે તો તમારે થોડા સમય માટે પાવર નેપ લેવી ઈએ. પાવર નેપ તમારા માટે એનર્જી બૂસ્ટર સાબિત થઈ શકે છે. તેનાથી ફ્રેશ ફિલ થશે.
પુરતી ઊંઘ લો
કામ અથવા અભ્યાસ કરતી વખતે ઊંઘ આવવાનું કારણ પુરતી ઊંઘ ન લેવાનું પણ હોઈ શકે છે. એક સ્ટડી અનુસાર ઓછુ પાણી પીવાથી સુસ્તી આવે છે. તેનાથી બચવા માટે હંમેશા પોતાના ડેસ્ક પર પાણી મુકો અને જ્યારે પણ ઊંઘ આવે તેને પીવો.
આંટો મારવો
ઓફિસ અથવા અભ્યાસની વખતે ઊંઘ આવવા પર થોડા આંટા પણ મારી શકાય છે. તેનાથી તમારા શરીરમાં બ્લડ સર્ક્યુલેશન સારૂ થશે અને તમે ફ્રેશ ફીલ કરશો. ક્યારેય પણ એક જગ્યા પર લાંબા સમય સુધી ન બેસવું જોઈએ.
ચા કે કોફી
ઊંઘથી બચવા માટે તમે ચા અથવા કોફીનો સહારો લઈ શકો છો. ચા અને કોફીમાં કેફીન હોય છે. જે ઊંઘ ભગાવવામાં મદદ કરે છે. પરંતુ ધ્યાન રહે કે વધારે ચા અને કોફી પીવાથી શરીર પર ખરાબ અસર પડે છે.
