- ન્યુક્લિયર પાવર કોર્પોરેશન ઓફ ઇન્ડિયા (NPCIL) દ્વારા ભરતીની જાહેરાત
- 183 ખાલી જગ્યાઓ ભરવામાં આવશે
- ઉમેદવારોને અપાશે માસિક આટલા રૂપિયા
ન્યુક્લિયર પાવર કોર્પોરેશન ઓફ ઇન્ડિયા (NPCIL) દ્વારા ટ્રેડ એપ્રેન્ટીસની જગ્યા માટે ભરતી બહાર પાડવામાં આવી છે. જે જાહેરાતને પગલે 183 ખાલી જગ્યાઓ ભરવામાં આવશે. જેમાં જોડાવા ઈચ્છુક ઉમેદવારોએ નિયત સમય મર્યાદામાં અરજી પ્રક્રિયા પૂર્ણ કરી લેવા જણાવાયુ છે. આ માટે અરજી ફોર્મ NPCIL ની સત્તાવાર વેબસાઈટ www.npcl.nic.in પર ઉપલબ્ધ કરી દેવામાં આવી છે. ફોર્મમાં પુરી વિગત ભર્યા બાદ તા. 31 જુલાઈ 2023 સુધીમાં ફોર્મ ભરવા અનુરોધ કરાયો છે.
જુદી જુદી લાયકાત પ્રમાણે જુદી જુદી પોસ્ટ અપાશે
જાહેરાત મુજબ ધો. 8, 10 અને 12 પાસ કરેલા ઉમેદવારો ફોર્મ ભરી શકશે. જેને જુદી જુદી લાયકાત પ્રમાણે જુદી જુદી પોસ્ટ અપાશે વધુમાં ઉમેદવારોએ સંબંધિત આઈટીઆઈમાં પાસિંગ સર્ટિફિકેટ મેળવેલ હોવું જોઈએ. ઇચ્છુક ઉમેદવારોની લઘુતમ વય મર્યાદા 14 વર્ષ અને મહત્તમ વય મર્યાદા 24 વર્ષ હોવી ફરજિયાત કરાય છે. જોકે આ વય મર્યાદામાં અનામત વર્ગને છૂટછાટ આપવામાં આવી છે અને ઉંમરની ગણતરી 31 જુલાઈ 2023 સુધી કરવામાં આવશે. તેવું જાહેર થવા પામ્યું છે.
ઉમેદવારોને સ્ટાઈપેન્ડ આપવામાં આવશે
સતાવાર જાહેર થયેલ વિગત અનુસાર આ ભરતીમાં આઈટીઆઈમાં મેળવેલા ગુણના આધારે ઉમેદવારોનું શોર્ટ લિસ્ટ કરવામાં આવશે. ત્યારબાદ શોર્ટલિસ્ટમાં સામેલ ઉમેદવારોને જ આગળના તબક્કામાં પ્રક્રિયા માટે બોલાવવામાં આવશે. ખાસ વાતએ પણ છે કે શોર્ટ લિસ્ટિંગની આ પ્રક્રિયામાં ઓછી ઉંમરના લોકોને પ્રાયોરિટી આપવામાં આવશે. ત્યારબાદ ઉમેદવારોની તાલીમનો સમયગાળો એક વર્ષનો રાખવામાં આવ્યો છે. ભરતી પ્રક્રિયામાં પાસ થયેલા ઉમેદવારોને સ્ટાઈપેન્ડ આપવામાં આવશે અને એક વર્ષનો આઈટીઆઈનો કોર્સ કરનાર ઉમેદવારોને દર મહિને 7700 તથા બે વર્ષનો કોર્ષ કરનાર ઉમેદવારોને 8855 રૂપિયાની ચુકવણી કરવામાં આવશે..
