- હવેથી સ્પામ કોલ અને મેસેજ નહીં આવે.
- સ્પામ કોલથી રાહત આપવા માટે મહત્ત્વપૂર્ણ પહેલ શરૂ.
- 1 મે 2023થી આ વ્યવસ્થા લાગુ.
મોબાઈલ યૂઝર્સને હવેથી સ્પામ કોલ અને મેસેજ નહીં આવે. ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI)એ ગ્રાહકોને સ્પામ કોલથી રાહત આપવા માટે મહત્ત્વપૂર્ણ પહેલ શરૂ કરી છે. જે માટે ત્રણ મોટા ટેલિકોમ ઓપરેટર્સે 30 એપ્રિલ 2023 સુધી સ્પામ રોકવા માટે જરૂરી વ્યવસ્થા કરવા માટે કહ્યું હતું.
આ ત્રણ સર્વિસ પ્રોવાઈડરે TRAI ને જાણકારી આપી હતી કે, ગ્રાહકોને સ્પામ કોલથી રાહત આપવા માટે જરૂરી વ્યવસ્થા કરવામાં આવી હતી. હવેથી કોઈપણ ગ્રાહકને સ્પામ કોલ નહીં આવે. કદાચ ક્યારેય પણ આ પ્રકારે થશે તો માત્ર ટેકનિકલ ભૂલને કારણે થશે અને પ્રકારે થાય તેની કોઈ સંભાવના નથી. 1 મે 2023થી આ વ્યવસ્થા લાગુ કરવામાં આવી છે.
ટેલિકોમ ઓપરેટર્સે સ્પામ કોલ કેવી રીતે બંધ કર્યા?
જિયો, એરટેલ અને આઈડિયા વોડાફોને આ માટે આર્ટિફિશિયલ ઈન્ટેલિજેન્સ ટૂલનો ઉપયોગ કર્યો છે. આ ટૂલ સ્પામ કોલને ઓળખીને તેને ત્યાં જ રોકી દેશે. જે માટે તમામ જરૂરી ટેકનિકલ વ્યવસ્થા કરવામાં આવી છે. કંપનીઓ તરફથી આ પ્રકારની ખાતરી મળ્યા પછી TRAIએ મહત્ત્વપૂર્ણ જાહેરાત કરી છે.
અનેક વર્ષો પહેલા TRAIએ ડૂ નોટ ડિસ્ટર્બ સર્વિસ શરૂ કરી હતી. આ ટેકનિક થોડા સમય સુધી કારગર સાબિત થઈ હતી અને થોડા સમય પછી સ્પામ કોલ અને મેસેજ આવવાના શરૂ થઈ ગયા હતા. કંપનીઓએ દાવો કર્યો છે કે, આ નવું AI ટૂલ 90 ટકા સુધી કારગર સાબિત થશે.
TRAIની સ્થાપના?
20 ફેબ્રુઆરી 1997ના રોજ TRAIની સ્થાપના થઈ હતી, જેનું હેડક્વાર્ટર દિલ્હીમાં છે. ડૉ. પી. ડી. વાઘેલા TRAIના ચેરમેન છે. આ સંગઠનનો મૂળ ઉદ્દેશ્ય ટેલિકોમ યૂઝર્સના હિતની રક્ષા કરવાનો છે.
