સુવિધા / બસ એક SMS કરો અને જાણો કોઇપણ વાહન સાથે જોડાયેલી તમામ માહિતી

જી હા, હવે તમારે આ માટે RTO જવાની જરૂર નથી, તમે પરિવહન વિભાગની સત્તાવાર વેબસાઇટ પરથી માહિતી મેળવવા ઉપરાંત એક નંબર પર SMS કરીને વાહન માલિકનું નામ, વાહનનું મોડેલ, પેટ્રોલ કાર અથવા ડીઝલ કાર, રજિસ્ટ્રેશનની એક્સપાયરી ડેટ અને ટેક્સ કેટલો ભરાયો છે એ અંગેની તમામ માહિતી મેળવી શકો છો

વેબસાઇટ પરથી વાહનના માલિકની જાણકારી મેળવવાની પ્રોસેસ

આ માટે સૌથી પહેલા તમે પરિવહન વિભાગની સત્તાવાર સાઇટ પરથી વાહન નંબર દ્વારા માલિકને લગતી માહિતી મેળવી શકો છો.

- આ માટે તમારે પહેલા parivahan.gov.in પર જવું પડશે.

- આ પછી એક હોમ પેજ ખૂલશે. જેમાં તમારી સામે ઘણા વિકલ્પો હશે. આમાંથી તમારે RC સ્ટેટસ સિલેક્ટ કરવાનું રહેશે.

-અહીં તમારે કાર નંબર અને કેપ્ચા ભરવા પડશે અને ચેક સ્ટેટસ પર ક્લિક કરવું પડશે.

- આટલું કરતાં જ તમને ગાડીની સંપૂર્ણ વિગત મળી જશે.

- આ સિવાય તમે https://parivahan.gov.in/rcdlstatus/ પર ક્લિક કરીને પણ ગાડીનું સ્ટેટસ જાણી શકો છો.

SMS દ્વારા વાહનની જાણકારી મેળવી શકાશે

- ટ્રાન્સપોર્ટેશન ડિપાર્ટમેન્ટ દ્વારા જાહેર કરાયેલા 7738299899 નંબર પર કેપિટલ લેટરમાં VAHAN લખીને સ્પેસ છોડીને તમારો વાહન નંબર લખો. વાહન નંબર લખતી વખતે સ્પેસ ન છોડવી. દાખલા તરીકે, VAHAN MP00MY0000ના ફોર્મેટમાં લખવાનું છે. SMS કરતા જ થોડી જ સેકંડમાં તમારાં વાહનની જાણકારી મોબાઇલ પર આવી જશે.

ઘરનું અડ્રેસ નહીં જાણવા મળે

આ  સિવાય અન્ય અનેક મોબાઇલ એપ્લિકેન્સ પણ આ પ્રકારની સુવિધા આપે છે. પરંતુ આ તમામ રીતથી માલિકનું નામ, વાહનનું મોડલ, પેટ્રોલ ગાડી છે કે ડીઝલ ગાડી, રજિસ્ટ્રેશનની એક્સપાયરી ડેટ અને ટેક્સ ક્યાં સુધી જમા કરવાનો છે એ વિશેની તમામ વિગતો જાણી શકાશે. પરંતુ કાર માલિકના ઘરનું અડ્રેસ નહીં જાણી શકાય. પરિવહન વિભાગ તેને સાર્વજનિક કરતું નથી.