- ODI સીરિઝ માટે ટીમ ઈન્ડિયાની જાહેરાત કરી દીધી
- કેપ્ટન બનવાનો દાવેદાર હતો આ ખેલાડી
- સિલેક્ટર્સએ એ ખેલાડીને કેપ્ટનને તો દૂર પણ વાઈસ કેપ્ટન પણ ન બનાવ્યો
સિલેક્ટર્સએ ODI સીરિઝ માટે ટીમ ઈન્ડિયાની જાહેરાત કરી દીધી છે અને તેમાં શિખર ધવનને કેપ્ટન બનાવવામાં આવ્યો છે અને તેની સાથે જ સાથે જ શ્રેયસ અય્યરને વાઇસ કેપ્ટન બનાવવામાં આવ્યો છે. પણ આ બધા વચ્ચે એક એવો ખેલાડી હતો જે કેપ્ટન બનવાનો સૌથી મોટો દાવેદાર હતો પણ સિલેક્ટર્સએ એ ખેલાડીને કેપ્ટનને તો દૂર પણ વાઈસ કેપ્ટન પણ ન બનાવ્યો. આજે અમે તમને એ જ ખેલાડી વિશે જણાવવા જઈ રહ્યા છીએ.
કેપ્ટન બનવાનો દાવેદાર હતો આ ખેલાડી
જ્યારે સિલેક્ટર્સએ ટી20 વર્લ્ડ કપ માટે ટીમ ઈન્ડિયાનું એલન કર્યું હતું એ સમયે ટીમમાં સંજુ સેમસનને જગ્યા નહતી આપી પણ એ સમયે બીસીસીઆઈએ ન્યુઝીલેન્ડ એ ની સામે કેપ્ટન બનાવ્યો હતો અને તેના પરથી એવું લાગી રહ્યું હતું કે સાઉથ આફ્રિકા સામેની ODI સિરીઝમાં સંજુ સેમસનને ટીમનો કેપ્ટન બનાવવામાં આવશે. પણ કેપ્ટન બનાવવાની વાત તો દૂર રહી સિલેક્ટર્સએ તેને વાઈસ કેપ્ટન પણ ન બનાવ્યો. જણાવી દઈએ કે સિલેક્ટર્સએ સંજુ સેમસનની જગ્યાએ શ્રેયસ અય્યરને વાઇસ કેપ્ટનની જવાબદારી સોંપી છે.
કેપ્ટનશિપનો છે ખાસ્સો અનુભવ
આપણે બધા જાણીએ જ છીએ કે IPL 2022માં સંજુ સેમસને શાનદાર પ્રદર્શન કર્યું હતું અને તેની કેપ્ટનશીપમાં જ રાજસ્થાન રોયલ્સ ફાઇનલમાં પહોંચી હતી. સંજુ સેમસન ટીમની બોલિંગમાં ખૂબ જ સારી રીતે ફેરફાર કરે છે અને તેના કારણે જ તેને વેસ્ટ ઈન્ડિઝ અને ઝિમ્બાબ્વે ટુર માં શાનદાર રમત દેખાડી હતી. સંજુ સેમસને ભારત માટે અત્યાર સુધી 16 T20 મેચમાં 296 રન બનાવ્યા અને ભારતીય ટીમને ઘણી મેચ જીતવામાં મદદ કરી છે.
વિસ્ફોટક બેટિંગ કરે છે સંજુ સેમસન
IPL 2022 થી સંજુ સેમસન ખૂબ જ સારા ફોર્મમાં ચાલી રહ્યો છે અને તે કોઈપણ બેટિંગ ઓર્ડર પર સારા રન બનાવી શકે છે. જો કે આ સાથે જ સૌથી મહત્વની વાત એ છે કે તે કોઈપણ ઓર્ડર પર બેટિંગની સાથે સાથે વિકેટકીપિંગ પણ ખૂબ જ સારી રીતે કરી લે છે.
વનડે સિરીઝ માટે ટીમ ઈન્ડિયા
શિખર ધવન (કેપ્ટન), શ્રેયસ ઐયર (વાઈસ-કેપ્ટન), ઋતુરાજ ગાયકવાડ, શુભમન ગિલ, રજત પાટીદાર, રાહુલ ત્રિપાઠી, ઈશાન કિશન (વિકેટકીપર), સંજુ સેમસન (વિકેટકીપર), શાહબાઝ અહેમદ, શાર્દુલ ઠાકુર, કુલદીપ યાદવ, રવિ બિશ્નોઈ, મુકેશ કુમાર, અવેશ ખાન, મોહમ્મદ સિરાજ, દીપક ચાહર.
