- સૌર મિશન આદિત્ય એલ1 મિશનની નિર્દેશકની બોલબાલા
- બુદ્ધિશાળી મહિલા વૈજ્ઞાનિક નિગાર શાઝીએ રચ્યો ઈતિહાસ
- Aditya L1નાં સફળ લૉન્ચિંગમાં નિગાર શાઝીનો મહત્વપૂર્ણ ફાળો
ઈસરોએ 2 સપ્ટેમ્બર એટલે કે આજે આંધ્રપ્રદેશનાં શ્રીહરિકોટામાં સતીશ ધવન અંતરિક્ષ કેન્દ્રથી આદિત્ય એલ1 સૌર મિશનને સફળતાપૂર્વક લૉન્ચ કર્યું. અંતરિક્ષ યાનને અંતરિક્ષ સુવિધાઓનાં સૌથી વિશ્વસનીય રૉકેટ સિસ્ટમ પોલર સેટેલાઈટ લૉન્ચ વ્હીકલ PSLV-C57 દ્વારા લૉન્ચ કરવામાં આવ્યું છે. આ મિશનની સફળ લૉન્ચિંગમાં યોગદાન આપનારાં તમામ પ્રતિભાશાળીઓમાં એક સૌથી મોટું નામ છે ભારતની દીકરી નિગાર શાઝી!
કોણ છે Nigar Shaji
તમિલનાડુનાં દક્ષિણ જિલ્લા તેનકાલીની પ્રતિષ્ઠિત મહિલા વૈજ્ઞાનિક નિગાર શાઝી કે જેમની ઉંમર 59 વર્ષ છે. તેમણે આજે આદિત્ય એલ1 મિશનનાં સફળ પ્રક્ષેપણ બાદ ઈતિહાસ રચ્યો છે. તે સૂર્યનું અધ્યયન કરવાના ઉદેશ્યથી ભારતની પહેલી અંતરિક્ષ આધારિત પહેલની પરિયોજનાની નિર્દેશક છે.
તમિલનાડુમાં જ ભણતર લીધું
નિગાર શાઝી તમિલનાડુનાં સેનગોટ્ટઈ શહેરની છે. તેમનો જન્મ ખેડૂત શેખ મીરાન અને હોમમેકર સૈતૂન બીવીને ત્યાં થયો હતો. સામાન્ય શરૂઆત હોવા છતાં જ્ઞાનની શોધમાં નિકળી પડેલ નિગારે પોતાનું પ્રારંભિક શિક્ષણ સેનગોટ્ટઈની ગર્લ્સ સ્કૂલમાંથી લીધું. પછી તેમણે મદુરે કામરાજ વિશ્વવિદ્યાલયથી ઈલેક્ટ્રોનિક્સ અને સંચારમાં એન્જિનિયરિંગની ડિગ્રી મેળવી અને BIT રાંચીથી તે જ ક્ષેત્રમાં માસ્ટર ડિગ્રી મેળવી.
આ રીતે કરી કરિયરની શરૂઆત
અંતરિક્ષ રિસર્ચની દુનિયામાં નિગારની યાત્રા 1987માં શરૂ થઈ જ્યારે તે ISROની એક મોટી શાખા, સતીશ ધવન અંતરિક્ષ કેન્દ્ર SHAARમાં શામેલ થઈ. તેમનાં જ્ઞાન અને સમર્પણે તેમને બેંગલૂરુનાં યૂઆર રાવ સેટેલાઈટ સેંટર સુધી પહોંચાડ્યું જ્યાં તેમણે આદિત્ય એલ1 મિશનનાં નિર્દેશકનો મહત્વપૂર્ણ પદ સંભાળ્યો.
રિમોટ સેંસિંગ સંબંધિત કામ કર્યું
આદિત્ય L1 મિશન સાથે જોડાયા પહેલાં તેમણે ભારતીય રિમોટ સેંસિંગ, સંચાર અને આંતરગ્રહીય ઉપગ્રહોને ડિઝાઈન અને વિકસિત કરવામાં મહત્વપૂર્ણ યોગદાન આપ્યું. વિશિષ્ટરૂપે તેમણે ભારતીય રિમોટ સેંસિંગ ઉપગ્રહ રિસોર્સસેટ 2A માટે એસોસિએટ પ્રોડેક્ટ ડાયરેક્ટરનાં રૂપમાં કામ કર્યું જે રાષ્ટ્રીય સંસાધનનાં પ્રબંધન માટેની મહત્વપૂર્ણ સંપત્તિ છે.
