તારક મહેતા કા ઉલ્ટા ચશ્મા શો વર્ષોથી દર્શકોનું મનોરંજન કરી રહ્યો છે. એવામાં ઘણા કલાકારોના ગયા પછી શો તેનો ચાર્મ ગુમાવી બેઠો હતો. હવે નિર્માતા કલાકારોની ફરી એન્ટ્રી કરાવી રહ્યા છે.
Share
તારક મહેતા શોમાં વધુ એક કલાકારની એન્ટ્રી
શોમાંથી હજુ પણ મહત્વના કલાકારો ગાયબ
મેકર્સ કરાવી રહ્યા છે રી એન્ટ્રી
આ દિવસોમાં મેકર્સ ટીવીના લોકપ્રિય શો તારક મહેતા કા ઉલ્ટા ચશ્મા શોમાં નવા કલાકારોની એન્ટ્રી કરાવવામાં વ્યસ્ત છે. હાલમાં જ મેકર્સે શોમાં નટ્ટુ કાકાની એન્ટ્રી કરાવી છે. ઘનશ્યામ નાયકનું અવસાન થયું ત્યારથી નટુ કાકા આ શોમાં જોવા મળ્યા ન હતા.
હજુ પણ શોમાંથી મહત્વના કલાકારો ગાયબ
પાછલા થોડા દિવસોમાં ઘણા કલાકારોએ શોને અલવિદા કહી દીધું છે. એવામાં દર્શકો પહેલા જેવી રુચિ સાથે શો નથી જોઈ રહ્યા. આ બધી બાબતોને ધ્યાનમાં રાખીને નિર્માતાઓએ ઘનશ્યામ નાયક માટે રિપ્લેસમેન્ટ શોધવાનું યોગ્ય માન્યું. જો કે શોમાં હજુ પણ ઘણા મહત્વના કલાકારો ગાયબ છે. પરંતુ નિર્માતાઓએ એ પણ નક્કી કર્યું છે કે તેઓ એક પછી એક બધાને પાછા લાવશે.
શોનો નવો પ્રોમો આવ્યો સામે
હાલમાં જ શોનો નવો પ્રોમો સામે આવ્યો છે. જેને જોઈને અનુમાન લગાવવામાં આવી રહ્યું છે કે ટૂંક સમયમાં કોઈ અન્ય કલાકાર આવવાનું છે. જેને જોઈને ગોકુલધામના લોકોના હોશ ઉડી જશે. લેટેસ્ટ પ્રોમોમાં એવું જોવામાં આવી રહ્યું છે કે ક્લબ હાઉસની બહાર કોઈ સૂઈ રહ્યું છે.
ગોકુલધામના લોકો તેને જોઈને ચોંકી ઉઢે છે. પરંતુ તે કોણ છે તે જાણી શકાયું નથી. એવામાં તે સ્પષ્ટ છે કે નિર્માતાઓ દર્શકો માટે સરપ્રાઈઝ લાવી રહ્યા છે. પણ એ સરપ્રાઈઝ આખરે છે શું એ તો આવનારા સમયમાં જ ખબર પડશે.
દર્શકો જોઈ રહ્યા છે દયાબેનની રાહ
તમને જણાવી દઈએ કે તારક મહેતા કા ઉલ્ટા ચશ્મા શોમાં દર્શકો દયાબેનના પાત્રની રાહ જોઈ રહ્યા છે. ઘણી વખત એવા સમાચાર આવ્યા હતા કે દયાબેન શોમાં પરત ફરી રહ્યા છે. પરંતુ હજુ પણ તેમની વાપસી અંગે શંકા છે.
ચાહકો દિશા વાકાણીને જ શોમાં જોવા માંગે છે. જોકે આ શક્ય નથી. કારણ કે દિશા વાકાણી હાલમાં જ માતા બની છે. પરંતુ એ વાત કન્ફર્મ છે કે મેકર્સ ટૂંક સમયમાં જ દયાબેનને શોમાં પાછી લઈ આવશે.
