- દેશમાં છેલ્લા 24 કલાકમાં ફરી વધી ગયા આંકડા
- છેલ્લા 24 કલાકમાં 42,015 કેસો સામે આવ્યા
- 3998 દર્દીઓના કોરોના વાયરસને કારણે મોત થયા
દેશમાં છેલ્લા 8 દિવસથી નોંધાઈ રહ્યા છે ઓછા કેસો
કોરોનાના કેસોમાં મંગળવારે જે રાહત મળી હતી, ત્યાં હવે એક જ દિવસ બાદ આ કેસમાં વધારો જોવા મળ્યો છે. છેલ્લા એક દિવસમાં કોરોનાના 42,015 નવા કેસો સામે આવી હતા. મંગળવારે 125 દિવસ બાદ પહેલી વાર 30 હજાર કેસો સામે આવ્યા હતા. જેનાથી એવું અનુમાન લગાડવામાં આવ્યું કે કોરોનાની બીજી લહેર હવે પૂરી થવા આવી છે પણ એક જ દિવસમાં નવા 12 હજારથી વધુ કેસો આવતા હવે શું આ ત્રીજી લહેરની શરૂઆત માની શકાય કે નહીં? આ આંકડા પણ ઘણા ચોંકાવનારા છે. સાથે જ છેલ્લા 24 કલાકમાં 3998 લોકોના મોત થયા હોવાનું સામે આવ્યું છે.
કેન્દ્રીય સ્વાસ્થ્ય મંત્રાલય દ્વારા આ આંકડા જાહેર કરવામાં આવ્યા છે. મંત્રાલયે આપેલ આંકડા મુજબ છેલ્લા 24 કલાકમાં 42,015કેસો સામે આવ્યા છે અને 3998 દર્દીઓના કોરોના વાયરસને કારણે મોત થયા છે. આ આંકડા છેલ્લા 2 દિવસમાં નોંધાયેલા કેસોમાં સૌથી વધુ આંકડા છે.
એક નજર છેલ્લા પાંચ દિવસના આંકડા પર
કોરોનાની બીજી લહેરની અસર ધીરે ધીરે ઓછી થવા લાગી છે. કોરોના સંક્રમણના સતત કેસ 1 લાખથી ઓછા રહ્યા છે. ગત પાંચ દિવસમાં દેશમાં 84 હજાર 332 નવા કેસો સામે આવ્યા છે. જ્યારે 4002 દર્દીઓના જીવ ગયા છે. ખાસ વાત એ છે કે 20 દિવસમાં કોરોના સંક્રમણના સૌથી ઓછા કેસ આવ્યા છે. કોરોનાના નવા કેસો સામે આવ્યા બાદ દેશમાં કુલ સંક્રમિત દર્દીઓની સંખ્યા 3 કરોડ 8 લાખ 37 હજાર 222 થઈ ગઈ છે.જ્યારે 66 દિવસ પછી ભારતના સક્રિય કેસનો આંકડો 5 લાખથી પણ નીચે આવ્યો છે. દેશમાં હવે રિકવરી રેટ 97.36 ટકા થઈ ગયો છે.
દેશમાં કુલ આટલા કેસો છે એક્ટિવ
સ્વાસ્થ્ય મંત્રાલયના જણાવ્યાનુંસાર દેશમાં અત્યાર સુધીમાં કોરોનાના 4 લાખ 7 હજાર 170 એક્ટિવ કેસ છે. જ્યારે 2 કરોડ 79 લાખ 11 હજાર 384 લોકો સાજા થઈ પોતાના ઘરે જઈ ચૂક્યા છે. દેશમાં અત્યાર સુધીમાં 4 લાખ 8 હજાર 040 લોકોના મોત થયા છે. મહારાષ્ટ્રમાં મોટી રાહત મળતી જોવા મળી રહી છે.
