ના હોય ! / 71 વર્ષની ઉંમરે અભિનેતા નસીરુદ્દીન શાહને નીકળ્યો ગંભીર રોગ, ભાવુક થઈને જણાવ્યા બીમારીના લક્ષણો

• દિગ્ગજ અભિનેતા નસરૂદ્દીન શાહે તેમના આરોગ્ય અંગે કર્યો મોટો ખુલાસો
• 71 વર્ષની ઉંમરમાં તેઓ એક બિમારીથી ગ્રસ્ત થયા
• નસરૂદ્દીન શાહ ઓનોમેટોમેનિયા નામની બિમારીથી પીડિત

નસરૂદ્દીન શાહે પોતાના આરોગ્ય અંગે કર્યો મોટો ખુલાસો

હવે નસરૂદ્દીન શાહે પોતાના આરોગ્ય અંગે એક મોટો ખુલાસો કર્યો છે. તેમણે ખુલાસો કર્યો કે 71 વર્ષની ઉંમરમાં તેઓ એક બિમારીથી ગ્રસ્ત થયા છે. જેનું નામ ઓનોમેટોમેનિયા છે. આ એક એવી બિમારી છે, જેમાં તેમે ઈચ્છો તો પણ શાંતિથી રહી શકતા નથી. આ એક એવી મેડિકલ સ્થિતિ છે જેમાં દરેક શખ્સ કોઈ પણ કારણ વગર કોઈ શબ્દ, વાક્ય, કવિતા અથવા ભાષણને ફરી વખત રિપીટ કરે છે.  તેમણે કહ્યું કે તેઓ જ્યારે ઉંઘે છે ત્યારે પણ આ સ્થિતિમાં હોય છે. નસરૂદ્દીન શાહે એક ઈન્ટરવ્યુમાં આ વાતનો ઉલ્લેખ કર્યો છે. 

હું ઓનોમેટોમેનિયા નામની બિમારીથી પીડિત

નસરૂદ્દીન શાહે એક મીડિયા એજન્સી સાથેની વાતચીતમાં કહ્યું, હું ઓનોમેટોમેનિયા નામની બિમારીથી પીડિત છુ. હું મજાક કરતો નથી. આ એક મેડિકલ કન્ડીશન છે. ડિક્શનરીમાં તમે તેને શોધી શકો છો. બિમારીના લક્ષણ અંગે તેમણે કહ્યું, આ બિમારીમાં તમે કોઈ શબ્દ, વાક્ય, કવિતા અથવા ભાષણને ફરી વખત રિપીટ કરો છો. જેનુ કોઈ કારણ હોતુ નથી. બસ તમને આ સાંભળવુ પસંદ પડે છે. હું તેને દરેક સમયે કરુ છુ તેથી હું ક્યારેય આરામથી રહી શકતો નથી. જ્યારે હું ઉઘી રહ્યો હોવુ ત્યારે પણ આ સ્થિતિમાં હોઉ છુ. કારણકે મને આ પસંદ છે.