BIG NEWS / ચીનની ધમકી છતાં તાઈવાનના રાષ્ટ્રપતિને મળ્યા નેન્સી પેલોસી, કહ્યું- તમારા સમર્થનમાં આખુ અમેરિકા ઊભું છે !

યુએસ સ્પિકર નેન્સી પેલોસીએ તાઈવાનના રાષ્ટ્રપતિ સાઈ ઈંગ વેન સાથે મુલાકાત કરી હતી. આ દરમિયાન તેમણે સ્પષ્ટ કર્યું છે કે, અમેરિકા દરેક મોર્ચે તાઈવાનની સાથે છે. અમેરિકાએ તાઈવાન સાથે કરેલા વચનો નિભાવશે.

અમેરિકી પ્રતિનિધિસભાના સ્પિકર નેન્સી પેલોસીએ બુધવારે કહ્યું કે, તેમનું પ્રતિનિધિમંડળ આ વિસ્તારની શાંતિ માટે તાઈવાન આવ્યા છે. પેલોસીની આ યાત્રાથી ચીન ભડકેલુ છે અને ત્યાર બાદ રાજદ્વારી હલચલ પણ જોવા મળી રહી છે. ચીનની સતત ધમકીઓ છતાં પણ પેલોસી મંગળવારે મોડી રાતે તાઈવાનમાં ઉતર્યા હતા. તાઈવાનને પોતાનું ક્ષેત્ર માનનારા ચીને કહ્યું હતું કે, જો પેલોસી તાઈવાનની યાત્રા કરશે તો, તેને ચીન ઉશ્કેરણી તરીકે જોશે. આપને જણાવી દઈએ કે, ચીન તાઈવાનને પોતાનું ક્ષેત્ર માનતું આવ્યું છે અને કહે છે કે, તે ચીનમાં ભેળવી દેશે.

#WATCH | Taiwan: US House Speaker Nancy Pelosi meets President of Taiwan Tsai Ing-wen in Taipei pic.twitter.com/i7zVHUsOYx

— ANI (@ANI) August 3, 2022

દરેક મોર્ચે તાઈવાનનો સાથ આપશું-નેન્સી પેલોસી

અમેરિકી સંસદના નીચલા ગૃહના સ્પિકર નેન્સી પેલોસીએ તાઈવાનમાં કહ્યું હતું કે, તાઈવાનનું સમર્થન કરવા માટે સમગ્ર અમેરિકા એકજૂથ છે. સહયોગ અને સમર્થન માટે તાઈવાનો આભાર વ્યક્ત કરુ છું. અમે દરેક સ્તરે તાઈવાનનો સાથ આપીશું. તાઈવાનની સાથે રહીશું. તેમણે કહ્યું કે, તાઈવાન અને અમેરિકી દોસ્તી પર અમને ગર્વ છે. તાઈવાન સાથે કરેલા વાયદાથી અમે પાછી પાની કરીશું નહીં. 

We will firmly uphold our nation's sovereignty & continue to hold the line of defence. At the same time, we wish to cooperate & work with unity with all democracies around the world to safeguard democratic values: President of Taiwan, Tsai Ing-wen pic.twitter.com/GSElWYJXm8

— ANI (@ANI) August 3, 2022

યુએસ સ્પિકરે તાઈવાનના રાષ્ટ્રપતિ સાથે મુલાકાત કરી

યુએસ સ્પિકર નેન્સી પેલોસીએ તાઈવાનના રાષ્ટ્રપતિ સાઈ ઈંગ વેન સાથે મુલાકાત કરી હતી. આ દરમિયાન તેમણે સ્પષ્ટ કર્યું છે કે, અમેરિકા દરેક મોર્ચે તાઈવાનની સાથે છે. અમેરિકાએ તાઈવાન સાથે કરેલા વચનો નિભાવશે.

Taiwan | America has made a bedrock promise to always stand with Taiwan. On this strong foundation, we've a thriving partnership grounded in self-government & self-determination focused on mutual security in the region & world committed to economic prosperity: US Speaker Pelosi pic.twitter.com/y3BAieLS1e

— ANI (@ANI) August 3, 2022

તાઈવાન શાંતિ અને સ્થિરતા માટે કટિબદ્ધ

રાષ્ટ્રપતિ સાઈ ઈંગ વેને કહ્યું કે, તાઈવાન શાંતિ અને સ્થિરતા બનાવી રાખવા માટે કટિબદ્ધ છે અને અમે એક સ્વતંત્ર અને ખુલ્લા ઈંડો પેસેફિક સુનિશ્ચિત કરવા માટે ક્ષેત્રિય સુરક્ષા માટે એક પ્રમુખ સ્થિર શક્તિ બનાવીશું. અમે અમારા દેશની સંપ્રભુતાને મજબૂતીથી બનાવી રાખીશું. સાથે જ અમે લોકતાંત્રિક મૂલ્યોની રક્ષા માટે દુનિયાભરના તમામ લોકતંત્રો સાથે સહયોગ અને એકતા સાથે કામ કરવા માગીએ છીએ.

તાઈવાનના રાષ્ટ્રપતિએ નેન્સીને પોતાના દોસ્ત ગણાવ્યા

તાઈવાનના રાષ્ટ્રપતિએ સાઈ ઈંગ વેનને કહ્યું કે, હું અમેરિકી પ્રતિનિધિ સભાના અધ્યક્ષ નેન્સી પેલોસીનુ ંહાર્દિક સ્વાગત કરુ છું. ઉપરાષ્ટ્રપતિ અને મને સ્પિકર દ્વારા અમેરિકા-તાઈવાન સંબંધોને લઈને કોલ આવતા રહે છએ. અમારી આ મુલાકાત માટે હું ખુશ છું. તેમણે કહ્યું કે, અમેરિકી સ્પિકર પેલોસી વાસ્તવમાં તાઈવાનના સૌથી સમર્પિત મિત્રોમાના એક છે. તાઈવાન માટે અમેરિકી કોંગ્રેસના કટ્ટર સમર્થનને પ્રદર્શિત કરવા માટે તાઈવાનની આ યાત્રા કરવા માટે અમે આપના આભારી છીએ.