ઉદ્ઘાટન / દેશમાં પહેલા Apple સ્ટોરની શરૂઆત, CEO ટીમ કુકે કર્યું ગ્રાહકોનું સ્વાગત, સેલ્ફી લેવા થઈ પડાપડી

• મુંબઈના બાંદ્રામાં ખુલ્યો ભારતનો પહેલો એપ્પલ સ્ટોર 
• ઉદ્ઘાટનમાં એપ્પલના CEO ટિમ કુકે આપી હાજરી 
• એપ્પલ સ્ટોરમાં ગ્રાહકોનું કર્યું સ્વાગત 

ભારતનો પહેલો એપ્પલ સ્ટોર આજે મુંબઈના બાંદ્રા-કુર્લા કોમ્પ્લેક્સમાં ખુલી ગયો છે. સ્ટોરનું ઉદ્ઘાટન એપ્પલના CEO ટિમ કુકે કર્યું. સ્ટોરનો દરવાજો ખોલીને ટિમ કુકે ઓપચારિક ઉદ્ઘાટન કર્યું. બહાર આવીને ટિમ કુકે હાથ હલાવીને રાહ જોઈ રહેલા લોકોનું અભિવાદન કર્યું અને બાદમાં નમસ્તે પણ કહ્યું.

Mumbai has a new Landmark!

Apple CEO, @tim_cook will open the gates at 11am today for the consumers Like he does internationally.

People have already started queuing up to enter and experience the #AppleBKC store.

Always a sight 🍎#Apple #Mumbai pic.twitter.com/xGRbVO82Pa

— roobina mongia (@roobinam) April 18, 2023

ટિમ કુક આજે પોતે પણ એપ્પલ સ્ટોરમાં આવેલા ગ્રાહકોનું સ્વાગત કરી રહ્યા છે. બાંદ્રા-કુર્લા કોમ્પ્લેક્સમાં નવા એપ્પલ સ્ટોર પર સેલિબ્રેશનનો માહોલ છે. એપ્પલના સ્ટાફ ઉત્સાહિત છે. ટિમ કુકે પોતે પણ સ્ટાફમાં જોશ ભર્યો. શરૂઆતમાં લોકોની ટિમ કુકની સાથે સેલ્ફી લેવા માટે પડાપડી કરી રહી હતી. 

ટિમ કુકે ટ્વીટર પર કરી હતી જાહેરાત 
આ પહેલા ટિમ કુકે ટ્વીટ કરી કહ્યું હતું કે તે બાંદ્રા-કુર્લા કોમ્પ્લેક્સમાં નવા એપ્પલ સ્ટોરમાં કસ્ટમર્સનું સ્વાગત કરવા માટે આતુરતાથી રાહ જોઈ રહ્યા છે. 

બુધવારે દિલ્હીમાં ટિમ કુક પ્રધાનમંત્રી નરેન્દ્ર મોદી સાથે પણ મુલાકાત કરશે. આ ઉપરાંત કેન્દ્રીય સુચના પ્રૌદ્યોગિક મંત્રી રાજીવ ચંદ્રશેખરને પણ મળશે. ત્યાર બાદ ગુરૂવારે દિલ્હીમાં પણ ટિમ કુક એપ્પલના સ્ટોરનું ઉદ્ઘાટન કરશે.