ધમકી / મુકેશ અંબાણીને ફરી મળી જાનથી મારી નાખવાની ધમકી, ઈ-મેઈલ મોકલી કરી 20 કરોડ રૂપિયાની માંગ

• મુકેશ અંબાણીને મળી ધમકી 
• ઈ-મેઈલ પર મળી જાનથી મારવાની ધમકી
• કરી 20 કરોડ રૂપિયાની માંગ 

બિઝનેસમેન મુકેશ અંબાણીને ફી જાનથી મારવાની ધમકી મળી છે. અજાણ્યા શખ્સે એક ઈ-મેઈલ કરીને 20 કરોડ રૂપિયાની માંગ કરી છે અને કહ્યું છે કે દેશના બેસ્ટ શૂટર્સ પાસે તેમને મરાવી દેશે. સૂત્રોના જણાવ્યા અનુસાર અંબાણીને આ ધમકી 27 ઓક્ટોબરે સાંજે મળી હતી. 

મળ્યો ધમકી ભર્યો મેઈલ
ઈ-મેઈલમાં લખ્યું હતું, 'IF you don’t give us 20 crore rupees, we will kill you, we have the best shooters in india'. આ ઈમેલના મળ્યા બાદ મુકેશ અંબાણીના સિક્યોરિટી ઈન્ચાર્જની ફરિયાદના આધાર પર ગામદેવી પોલીસે અજાણ્યા શખ્સ સામે IPC કલમ 387 અને 506(2) હેઠળ FIR નોંધીને તપાસ શરૂ કરી છે. 

આ પહેલા પણ અંબાણી અને તેમના પરિવારને ઘણી વખત જાનથી મારી નાખવાની ધમકીઓ મળી ચુકી છે. તેના કારણે ગયા વર્ષે 29 સપ્ટેમ્બરે કેન્દ્રીય ગૃહ મંત્રાલયે તેમની સિક્યોરિટી Z કેટેગરીથી વધારેની Z+ કરી દીધી હતી. સિક્યોરિટી પર આવતા ખર્ચની ચુકવણી મુકેશ અંબાણી કરે છે. આ ખર્ચ 40થી 45 લાખ રૂપિયા મહિનાનો હોય છે.

ફેબ્રુઆરી 2021માં એન્ટીલિયા પાસે વિસ્ફોટક ભરેલી કાર મળી હતી
ફેબ્રુઆરી 2021માં એન્ટીલિયાની બહારથી વિસ્ફોટકથી ભરેલી એક SUV કાર મળી આવી હતી. સાથે જ એક પત્ર પણ હતો. પત્રમાં મુકેશ અંબાણી અને તેમના પત્ની નીતા અંબાણીને ધમકી આપવામાં આવી હતી. આ કેસમાં મુંબઈ પોલીસના એન્કાઉન્ટર સ્પેશિયાલિસ્ટ સચિન વાઝેનું નામ સામે આવ્યું હતું. હાલ NIA આ કેસની તપાસ કરી રહી છે.