પક્ષી જગતની અણધારી ઘટના / VIDEO : માદા સારસ બની હત્યારી મા, બચ્ચાંને માળા પરથી ફેંકીને મારી નાખ્યું, કેમ આમ કર્યું તે જાણો

માદા સારસનો એક વીડિયો વાયરલ
નવજાતને માળામાંથી નીચે ફેંક્યું
બે બચ્ચાં માટે જગ્યા કરવા ત્રીજાને ફેંકી દીધું 

દરેક માતા પોતાના બાળકને ખૂબ પ્રેમથી ઉછેરે છે અને ધ્યાન રાખે છે કે તેના બાળકને કોઈ પણ પ્રકારની સમસ્યા ન થાય. પછી તે પ્રાણી હોય કે પક્ષી... દરેક વ્યક્તિ પોતાના બાળકને સુરક્ષિત રાખવા માટે બધુ જ કરે છે પરંતુ આજકાલ સોશિયલ મીડિયા પર આવો જ એક વીડિયો વાયરલ થઈ રહ્યો છે. આ જોઇને તમે વિચારતા હશો કે એક માતા આવું કેવી રીતે કરી શકે છે.

Mother stork throws out immature baby to increase survival chances of other babies. pic.twitter.com/ZI0BKmqT6J

— The Animals (@AdorablanimaI) April 17, 2023

વાયરલ વીડિયોમાં શું છે?
ટ્વિટર પર શેર કરવામાં આવેલા આ વીડિયોમાં જોઈ શકાય છે કે એક માદા બચ્ચાંને માળામાંથી બહાર ફેંકી રહી છે. તે પહેલા બચ્ચાંને ચાંચમાંથી પકડીને ફેંકી દેવા આગળ વધે છે અને ફેંકવાની કોશિશ કરે છે જોકે ઘણા પ્રયાસને અંતે પણ તે આવું કરી શકતી નથી, છેલ્લી ટ્રાયમાં તે સફળ થાય છે અને ઘા કરીને બચ્ચાંને ફેંકી દે છે. 

માદા સારસે આવું કેમ કર્યું? લોકો કન્ફ્યૂઝ 
વીડિયોમાં જોઈ શકાય છે કે ઝાડ પર ઊંચે માળામાં ત્રણ બચ્ચાં બેઠા છે જેમાથી તેની માતા એકને નીચે ફેંકી દે છે. પરંતુ વીડિયો જોયા બાદ યૂઝર્સ એ જ સવાલ પૂછી રહ્યા છે કે માદા સારસે આવું કેમ કર્યું? એક યુઝરે કહ્યું- ક્યારેક કુદરત ખૂબ જ ક્રૂર વર્તન કરે છે.બીજાએ કોમેન્ટ કરી કે 'મા નથી વિચારી રહી, તે અત્યારે ઉડી શકે તેમ નથી.' શુભમ નામના યુઝરે લખ્યું, 'આવી મા કોઈને ન આપશો. રાજેન્દ્ર નામના એક ટ્વિટર યુઝરે કમેન્ટ કરી હતી કે તેમણે આવું કેમ કર્યું? તેમના બાળક સાથે આવું કોણ કરે છે? સૂરજ સિંહ નામના યુઝરે કહ્યું- ક્રૂર મા.