ગજબ / એલોન મસ્કના Twitter ને ટક્કર મારવા નવી App લાવશે Meta, આ રીતે કરશે કામ

• ટ્વીટર જેવી એપ લોન્ચ કરી શકે છે મેટા 
• આ રીતે કામ કરશે નવી એપ 
• સિલેક્ટેડ ક્રિએટર્સને જોડવામાં આવશે એપ પર 

સોશિયલ મીડિયાની ફેમસ કંપની મેટા આવતા મહિને ટ્વીટર જેવી એપ્લિકેશન લોન્ચ કરી શકે છે. માર્ચ મહિનાથી જ આ વિશે ખબર ઈન્ટરનેટ પર વાયરલ થઈ રહી હતી. હવે આ વિષયમાં ઘણા લોકોએ જાણકારી શેર કરી છે. એક ફેમસ ટિપસ્ટર અભિષેક યાદવે ટ્વીટ કરીને જણાવ્યું છે કે મેટા આવતા મહિને ટ્વીટર જેવી એપ લોન્ચ કરી શકે છે. તેમણે તેનું ઈન્ટરફેસ પણ શેર કર્યું છે. 

તમે આ ફોટોમાં જોઈ શકો છો કે આ ટ્વીટરનું સિમ્પ્લિફાઈડ વર્ઝન લાગી રહ્યું છે અને લોકો તેમાં ટ્વીટરની જેમ જ પોસ્ટ વગેરે કરી શકે છે. સાથે જ પોસ્ટમાં રિપ્લાય પણ કરી શકે છે. 

મેટા કેમ લાવી રહ્યું છે આ એપ? 
હકીકતે ઈન્સ્ટાગ્રામ પર લોકો ફીડમાં હવે પહેલા અનુસાર ઓછી પોસ્ટિંગ કરે છે અને આ એક પ્રકારે ડિસ્કવરી પ્લેટફોર્મ બની ગયું છે. યુઝર્સ સ્ટોરી અને DMs દ્વારા ઈન્સ્ટા પર જલ્દી વાતચીત કરે છે. 

આ વાતને ધ્યાનમાં રાખતા મેટા ટ્વીટર જેવી એપ લાવી રહ્યું છે જ્યાં તે ટ્વીટરની જેમ પોસ્ટ કરી શકે છે અને કોઈ પણ આ પોસ્ટની સાથે જોડાઈ શકે છે. યુઝર્સ ઈન્સ્ટા ફોલોઅર્સને આ એપ પર Sync પણ કરી શકે છે. 

500 કેરેક્ટર સુધી પોસ્ટ કરી શકાશે 
મેટાના આ નવા એપનું નામ શું હશે તેની જાણકારી પણ સામે નથી આવી. યુઝર્સ તેમાં 500 કેરેક્ટર સુધીની પોસ્ટ કરી શકશે. સાથે જ વીડિયો, ફોટો અને લિંક પણ પોસ્ટમાં એડ કરી શકાશે. હાલ અમુક સિલેક્ટેડ ક્રિએટર્સને મેટાએ એપ પર જોડ્યા છે. 

આવનાર સમયમાં આ બધા માટે રોલઆઉટ થઈ શકે છે. ટ્વીટરની જેમ આ એપમાં પણ યુઝર્સ પોસ્ટને લાઈક, રી-ટ્વીટ કરી શકે છે. લોગિન કરવા માટે યુઝર્સને ઈન્સ્ટાગ્રામ લોગિનનો જ યોગ્ય રીતે ઉપયોગ કરવો પડે છે.