ધરપકડ / અવાવરુ જગ્યાએ મળ્યા... પછી ગે સંબંધ બાંધવાનું દબાણ કર્યું...: અમદાવાદમાં મિત્રએ જ મિત્ર હત્યા કરવા મામલે મોટો ખુલાસો

• અમદાવાદના ચાંદખેડામાં થયેલી હત્યામાં સમલૈંગિક સંબંધોનું કનેક્શન 
• પોલીસે કમલેશ રોત નામના આરોપીની કરી ધરપકડ
• મૃતકે આરોપી સાથે જબરદસ્તી સંબંધ બાંધવા કર્યું હતું દબાણ

અમદાવાદનાં ચાંદખેડામાં તા. 20 ઓક્ટોબરનાં રોજ જયેશ પરમાર (ઉ.વર્ષ. 45)  યુવકની હત્યા થઈ હતી. આ હત્યાને લઈ મૃતકનાં પરિવારજનો દ્વારા ચાંદખેડા પોલીસ મથકે ફરિયાદ નોંધાવી હતી. મૃતકનાં પરિવારજનોની ફરિયાદનાં આધારે ચાંદખેડા પોલીસે તપાસ શરૂ કરતા ચાંદખેડા પોલીસે આરોપીની ધરપકડ કરી હતી.

ચાંદખેડામાં થયેલી હત્યામાં સમલૈંગિક સંબંધોનું કનેક્શન

ચાંદખેડા પોલીસે આરોપી કમલેશ રોત નામનાં  શખ્સની ધરપકડ કરી તેની પૂછપરછ હાથ ધરી હતી. ત્યારે પૂછપરછમાં ચોંકાવનારા ખુલાસા થવા પામ્યા હતા. જેમાં  આરોપી કમલેશ તેમજ મૃતક જયેશ વચ્ચે સમલૈગિક સબંધો હતા. તેમજ અનેકવાર બંને વચ્ચે સમલૈગિક સબંધ બંધાયા હતા. ત્યારે બનાવનાં દિવસે મૃતક જયેશે આરોપી કમલેશ સાથે જબરજસ્તી સબંધ બાંધવા દબાણ કર્યું હતું. જે બાબત કમલેશને  ન ગમતા તેણે જયેશ પર હુમલો કરતા જયેશનું મોત થયું હતું.
 

પોલીસે મૃતકની ઓળખ કરી 
આ બાબતે DCP  ઝોન-2 નાં શ્રીપાલ શેષમાએ જણાવ્યું હતું કે ચાંદખેડા પોલીસને માહિતી મળી હતી કે, ઝાડીઓ વચ્ચે કોઈ લાશ પડી છે.  ત્યાર બાદ પોલીસ ત્યાં પહોંચી હતી.  ત્યારે મૃતકની લાશની ઓળખ કરવા અશક્ય હતી. જે બાદ પોલીસ દ્વારા મૃતકની ઓખળ કરવાની તજવીજ હાથ ધરી હતી. જે બાદ પોલીસ દ્વારા ગુનો નોંધી તપાસ હાથ ધરી હતી.  ત્યારે પોલીસ દ્વારા હ્યુમન એન્ડ ઈન્ટેલિજન્સનાં બેઝ પર અમે આ કેસ ડિટેક્ટ કર્યો છે.  જે બાદ આરોપીની પૂછપરછ કરતા આરોપીએ ખુલાસો કર્યા હતો કે આરોપી તેમજ મૃતક વચ્ચે સમલૈગિંક સબંધ હોવાનો ખુલાસો થયો હતો. તેમજ મૃતકે આરોપી સાથે જબરજસ્તી સબંધ બાંધવા દબાણ કર્યું હતું. મૃતકે જબરજસ્તી કરતા આરોપીએ હત્યા નિપજાવી હોવાનો પણ પોલીસની પૂછપરછમાં ખુલાસો કર્યો હતો.