ઉશ્કેરણીજનક ભાષણ આપવા બદલ પોલીસ દ્વારા મૌલાના મુફ્તી સલમાન અઝહરીને પાસા હેઠળ જેલમાં ખસેડવામાં આવ્યો છે. જે સમાચાર તેઓનાં સમર્થકોને મળતા તેઓનાં ટોળે ટોળા વડોદરા સેન્ટ્રલ જેલ ખાતે ઉમટી પડ્યા હતા. ગત ડિસેમ્બર મહિનામાં મોડાસામાં ભડકાઉ ભાષણ કરવા મામલે મોડાસા પોલીસે મૌલાના સામે ગુનો નોંધી ધરપકડ કરી હતી. જે બાદ મૌલાનાને સાબરમતી જેલમાં રાખવામાં આવ્યો હતો. જ્યાંથી ગુરૂવારે રાત્રે ચુસ્ત પોલીસ બંદોબસ્ત સાથે મૌલાનાને વડોદરા જેલ ખાતે ખસેડવામાં આવ્યો હતો.
ધાર્મિક વાતાવરણ ન બગડે તે માટે હાઈ સિક્યુરિટીમાં રખાયો
ત્યારે મૌલાનાને વડોદરા સેન્ટ્રલ જેલ ખાતે લાવવામાં આવ્યા હોવાના સમાચાર વાયુ વેગે તેમનાં સમર્થકોમાં ફેલાઈ જતા વડોદરા સેન્ટ્રલ જેલ ખાતે મૌલાનાનાં સમર્થકોની ભારે ભીડ જામી હતી. હાલ મૌલાનાને સરકારા ગાઈડલાઈન પ્રમાણે ક્વોરન્ટાઈન બેરેકમાં રાખવામાં આવશે. તેમજ જેલમાં ધાર્મિક વાતાવરણ ન બગડે તે માટે મૌલાનાને હાઈ સિક્યુટિરીમાં રખાયો હતો.
સેન્ટ્રલ જેલ બહાર પોલીસનો ચુસ્ત બંદોબસ્ત
મૌલાનાને વડોદરા સેન્ટ્રલ જેલમાં લાવવામાં આવી રહ્યો હોવાની તૈયારીના ભાગરૂપે રાવપુરા પોલીસ દ્વારા સાવચેતીનાં ભાગરૂપે જેલ બહાર કડક બંદોબસ્ત ગોઠવવામાં આવ્યો હતો.
વધુ વાંચોઃ દુષ્કર્મ કેસમાં કેડિલાના રાજીવ મોદીને ક્લીન ચીટ: પુરાવાના અભાવે પોલીસે A સમરી રિપોર્ટ કોર્ટમાં કર્યો દાખલ
મૌલાના મુફ્તી સલમાન અઝહરીએ અનેક સંસ્થા બનાવી
મૌલાના મુફ્તી સલમાન અઝહરી પોતાને મુસ્લિ રિસર્ચ સ્કોલર કહે છે. તેણે ઘણી સંસ્થા બનાવી છે. જેમાં સલમાન અઝહરી જામિયા, રિયાઝુલ જન્નાહ, અલ અમાન એજ્યુકેશન એન્ડ વેલ્ફેર ટ્રસ્ટ્ર અને દારૂલ અમાનનો સમાવેશ થાય છે. ઉલ્લેખનીય છે કે, અઝહરીએ ઈજિપ્ત યુનિવર્સિટીમાંથી પોતાનો અભ્યાસ પૂર્ણ કર્યો છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
