એલર્ટ / જેનો ભય હતો એ જ થયું... માસ્ક ફરી ફરજિયાત, કોરોના વધતાં અહીં તંત્રએ આપ્યો મોટો આદેશ

• પુડુચેરીમાં જાહેર સ્થળોએ માસ્ક ફરજિયાત
• માસ્કને લઈ જિલ્લા કલેક્ટર આપ્યા આદેશ
• કોરોના વધતાં  પુડુચેરી તંત્ર એલર્ટ

ફરી એકવાર દેશમાં કોરોનાએ રિએન્ટ્રી કરી ત્યારે પુડુચેરીમાં માસ્ક ફરજિયાત કરાયા છે. જાહેર સ્થળો પર માસ્ક પહેરવું ફરજિયાત કરાયો છે, દેશમાં કોરોના વાયરસના કેસોમાં વધારા થતાં પુડુચેરીમાં જિલ્લા કલેક્ટર માસ્ક ફરજિયાતનો આદેશ કર્યો છે. 

પુડુચેરીમાં હાલમાં 145 કોરોના કેસ
ભારતમાં છેલ્લા 24 કલાકમાં 6,050 કોરોના વાયરસના કેસ નોંધાયા છે, જે આ વર્ષે એક દિવસના સૌથી વધુ કેસ ગણવામાં આવી રહ્યાં છે. કેન્દ્રીય આરોગ્ય મંત્રાલયના ડેટા અનુસાર કેન્દ્ર શાસિત પ્રદેશ પુડુચેરીમાં હાલમાં 145 સક્રિય કોરોના વાયરસ કેસ નોંધાયા છે. 

"Wearing of masks in public places is mandatory in Puducherry," says District Collector E.Vallavan, amid the Covid-19 surge in the country. pic.twitter.com/QBQKB9FF3y

— ANI (@ANI) April 7, 2023

આ સ્થળોએ માસ્ક ફરજિયાત
જિલ્લા કલેક્ટર ઇ વલ્લવને કહ્યું કે, જાહેર સ્થળો, બીચ રોડ, પાર્ક અને થિયેટરમાં માસ્ક પહેરવું ફરજિયાત રહેશે તેમજ હોસ્પિટલ, હોટેલ, બાર, રેસ્ટોરેન્ટ, દારૂની દુકાનો, હોસ્પિટાલિટી અને મનોરંજન ક્ષેત્રો, સરકારી કચેરીઓ અને વ્યાપારી સંસ્થાઓમાં કામ કરતા કર્મચારીઓએ પણ માસ્ક ફરજિયાતપણે પહેરવાનું રહેશે.

કોરોના વાયરસના કેસોની સંખ્યામાં વધારો
તમને જણાવી દઈએ કે, છેલ્લા 24 કલાકમાં દેશમાં કોરોના વાયરસના 6,050 નવા કેસ નોંધાયા છે. જિલ્લા કલેક્ટર ઇ વલ્લવને કહ્યું હતું કે, કેન્દ્રશાસિત પ્રદેશમાં હાલમાં કોરોના વાયરસના કેસોની સંખ્યામાં વધારો જોવા મળી રહ્યો છે. વહીવટીતંત્રે કેસમાં વધારો થતાં સાવચેતીના ભાગ રૂપે જાહેર સ્થળો પર માસ્ક ફરજિયાત નિર્ણય કર્યો છે.