સ્પષ્ટતા / તમે જેની આતુરતાથી રાહ જોઈ રહ્યા છો તેનો ખુલાસો: મારુતિ સુઝુકીએ જણાવ્યું ક્યારે આવે છે ઈલેક્ટ્રિક કાર, હવે હરીફાઈ જામી

• મારુતિ સુઝુકીની ઇલેક્ટ્રિક કારની રાહ જોતા લોકો માટે મોટી જાહેરાત 
• પહેલી ઇલેક્ટ્રિક કાર આવતા વર્ષે લોન્ચ કરાશે
• ઇલેક્ટ્રિક કારની કિંમત 10 થી 12 લાખ રૂપિયા હોઈ શકે છે

ઇન્ડિયન બજારમાં ટાટા મોટર્સ mahindra, hyundai સહિતની અનેક કંપનીઓ ઇલેક્ટ્રિક કારનું વેચાણ કરી રહી છે. જોકે લોકોના મનમાં કેટલાય સમયથીએ સવાલ સતાવતો હતો કે મારુતિ સુઝુકી પોતાની ઇલેક્ટ્રિક કાર ક્યારે લોન્ચ કરશે? ત્યારે આવા લોકો માટે કંપનીએ હવે મૌન તોડ્યું છે અને મારુતિ સુઝુકીએ ઇલેક્ટ્રિક કારની રાહ જોતા લોકો માટે મોટી જાહેરાત કરે છે. રિપોર્ટ અનુસાર કંપનીનો પહેલી ઇલેક્ટ્રિક કારની કિંમત 10 થી 12 લાખ રૂપિયા હોઈ શકે છે.

2030 સુધીમાં કંપની પોતાની 6 બેટરી સંચાલિત કાર માર્કેટમાં મૂકશે
મારુતિ સુઝુકી દ્વારા સત્તાવાર રીતે નિવેદન સામે આવ્યું છે. જેમાં કંપનીએ પોતાની પહેલી ઇલેક્ટ્રિક કાર આવતા વર્ષે લોન્ચ કરી શકે છે તેવું જણાવ્યું છે. આ મામલે મારુતિ સુઝુકીના સિનિયર એક્ઝિક્યુટિવ ઓફિસર શશાંક શ્રીવાસ્તવે નિવેદન આપ્યું છે. સૂત્રોના જણાવ્યા અનુસાર તેઓએ માહિતી આપી હતી કે કંપની પોતાની પહેલી ઇલેક્ટ્રોનિક કાર જાન્યુઆરી 2024 માં લોન્ચ કરશે.જોકે કંપનીની પહેલી કાર કયા નામે લોન્ચ થશે તે મામલે હજુ સ્પષ્ટતા થઈ નથી. કંપની દ્વારા ઇલેક્ટ્રિક એસયુવીનું ટેસ્ટિંગ કરાઈ રહ્યું હોવાનું સામે આવ્યું છે. વિદેશમાં ઇલેક્ટ્રિક suv eVX નું પરીક્ષણ ચાલતું હોવાનું જાણવા મળી રહ્યું છે. ઉલ્લેખનીય છે કે 2030 સુધીમાં કંપની પોતાની 6 બેટરી સંચાલિત કાર માર્કેટમાં મૂકે તો નવાઈ નહિ! આ ધ્યેય સાથે તે કામ કરી રહી છે.

10 થી વધુ cng મોડલ લોન્ચ કરવામાં આવશે
કંપનીએ એવી પણ જાહેરાત કરી છે કે ભવિષ્યમાં તેમની કારોની લાઈનમાં ૧૫ ટકા શુદ્ધ ઇલેક્ટ્રીક અને 25% ઇલેક્ટ્રિક- હાઈબ્રીડ કારનો પણ સમાવેશ થશે. આ ઉપરાંત પણ કંપની સીએનજી, બાયોગેસ અને ફ્લેક્સ-ઇંધન પર ચાલતા નવા વાહનોની દિશામાં કામ કરી રહી છે. હાલ કંપની દ્વારા 10 થી વધુ cng મોડલ લોન્ચ કરવામાં આવશે. ઓટો એક્સપો 2023માં કંપની દ્વારા ફ્લેક્સ ઇંધણ પાર ચાલતી વેગનઆર મામલે ખુલાસો કર્યો હતો. વધુમાં આગામી સમયમાં 100 ટકા ઇથેનોલથી ચાલતી કાર પણ લોન્ચ કરાઈ શકે છે.