સંઘર્ષ થી સફળતા સુધી / પિતાનું સપનું પૂરું કરવા MBBS છોડી UPSCની તૈયારીમાં જોતરાઈ માનસી સોનવણે, 2 વખત થઈ નાપાસ, પછીની કહાની રસપ્રદ

• માનસી સોનાવણેની સફળતાની કહાની
• પિતાનું અધૂરું સપનું પૂરું કરવા માનસી સોનાવણે MBBSને અધવચ્ચે છોડ્યુ
•  સિવિલ સર્વિસમાં સફળતા મેળવી બની ગઈ પ્રેરણા સ્ત્રોત

પોતાના સપનાને હકીકતની પાંખ આપવા માટે દિવસ રાત એક કરી મહેનત કરતા લોકો માટે  માનસી સોનાવણે નામના અધિકારી પ્રેરણા સ્ત્રોત બન્યા છે. મહારાષ્ટ્રના ઔરંગાબાદના રહેવાસી  માનસીએ પ્રાથમિક શિક્ષણ નાસિકમાંથી પૂરું કર્યું છે, બાદમાં ઔરંગાબાદની સરકારી કોલેજમાંથી આર્ટ્સમાં એડમિશન મેળવી ગ્રેજ્યુએશન પણ પૂરું કર્યું હતુ. જ્યારે માનસીના પિતા એકાઉન્ટન્ટ છે અને તેઓ પોતે સિવિલ સર્વિસમાં જોડાવા માંગતા હતા. પરંતુ તેઓ સફળતાથી દૂર રહ્યા હતા.

તૈયારી બાદ UPSC ની પરીક્ષા આપી

માનસીએ MBBSમાં પ્રવેશ મેળવી રહી હતી. આ દરમિયાન પોતે પિતાનું અધૂરું સપનું પૂરું કરવાનું વિચાર્યું અને તેણે MBBSને અધવચ્ચે છોડીને આર્ટ્સમાં એડમિશન લીધું હતું. બાદમાં ડિગ્રી મેળવી તે સિવિલ સર્વિસની તૈયારીમાં લાગી ગઈ હતી. સમગ્ર સિસ્ટમ સમજી અને આ માટે તેણે પ્રથમ પેપર પણ આપ્યું હતું. બાદ તેમણે UPSCની પરીક્ષા આપી હતી. તેણી બીજા પ્રયાસમા પણ સફળતાથી દુર રહી હતી. જોકે પોતાને ભૂલનું ભણ થયું અને આ ભૂલો સુધારી તેણીએ ત્રીજા પ્રયાસમાં યુપીએસસીની પરીક્ષામાં સફળતા હાંસલ કરી લીધી હતી.

627મો રેન્ક પણ હાંસલ કર્યો

માનસી સોનાવણે UPSC 2021ની પરીક્ષામાં 627મો રેન્ક પણ હાંસલ કરી પોતાનું નામ ચમકતું કરી દીધું છે. જે ઇન્ડિયન ડિફેન્સ એકાઉન્ટ્સ સર્વિસમાં ડિફેન્સ એકાઉન્ટન્ટ તરીકે સિલેક્ટ થઇ છે. ત્યારે માનસીની આ સફળતા અને સંઘર્ષની કહાની પરથી તમામ લોકોએ જાણવું જોઈએ કે સપના માટે ગમે તેવું જોખમ લેવુ પડે તો પાછી પાની ન કરવી જોઈએ. અને નિષ્ફળતા પછી પણ હાર ન માનવી જોઈએ. કારણ કે કઠોર પરિશ્રમનો કોઇ વિકલ્પ નથી!