NULL / મુંબઇ: 8 વર્ષથી ફરાર મહેશ પરસાણાની ધરપકડ 150 કરોડનું ફેરવ્યું હતું ફુલેકું

મુંબઇ: 8 વર્ષથી ફરાર કૌભાંડી મહેશ પરસાણાની ધરપકડ થઈ છે. રૂ. 150 કરોડના કૌભાંડ બાદ મહેશ પરસાણા ફરાર હતો. આરોપી મહેશ પરસાણાની મુંબઈમાંથી ધરપકડ થઈ છે.

આરોપીએ રાધાકૃષ્ણ મિત્ર મંડળ નામની કંપની બનાવીને કૌભાંડ આચર્યુ હતું. લોકોને આરોપીએ એકના ડબલની લાલચ આપીને છેતરપિંડી આચરી કૌભાંડ કર્યુ હતું. જેથી આરોપી મહેશ પરસાણાની મુંબઈથી ધરપકડ થઈ છે અને આજે કોર્ટમાં રજૂ કરવામાં આવશે.

ઉલ્લેખનીય છે કે અમદાવાદના નગરજનોને બાઇક એક્ટિવા તેમજ સોનાના સિક્કા અને જમીનોના પ્લોટો આપવાની લાલચ આપીને રૂપિયા 150 કરોડનું ફુલેકું અલ્પેશ વસોયા એન્ડ કંપનીએ ૨૦૧૦માં કર્યુ હતું.

જો કે જે તે વખતે બાપુનગરના શ્યામ શિખર કોમ્પ્લેક્સમાં આવેલ શાયોના આર્કડેમાં આ યોજના ચલાવવામાં આવતી હતી. તે રાતો-રાત બંધ થઇ જવાથી લાખ્ખો લોકોના કરોડો રૂપિયા ડુબ્યા હતા અને સંચાલકો રફુચક્કર થયાં હતા. 

ત્યારે ગતરોજ મુંબઇ ખાતેથી કૌભાંડી મહેશ પરસાણાની ધરપકડ કરવામાં આવી હતી. રાધા કૃષ્ણ મિત્રમંડળના નામની લેભાગુ કંપની ખોલીને એકના ડબલ કરવાની લાલચ આપનાર મહેશ પરસાણા અને તેના અન્ય સાગરીતો છેલ્લા 8 વર્ષથી ફરાર છે ત્યારે ગઇકાલે મહેશ પરસાણા મુંબઇમાંથી ઝડપાતા આજરોજ તેને કોર્ટમાં રજૂ કરવામાં આવશે.