ખળભળાટ / અંબાણી ધમકી કેસમાં ઉદ્ધવ સરકારના આ મંત્રીની ખુરશી જાય તેવી શક્યતા

• અંબાણીને ધમકી આપવાના કેસમાં મહારાષ્ટ્રના ગૃહમંત્રીની ખુરશી હાલકડોલક
• અનિલ દેશમુખે શરદ પવાર સાથે કરી બેઠક 
• હિરેનના મોત અંગે હત્યા થઇ હોવાની વાત સ્વીકારી 

આ વાતચીત બાદ અનિલ દેશમુખે મનસુખ હિરેનના મોત મામલે ચોંકાવનારો ખુલાસો કર્યો અને કહ્યું હતું કે, માન્યુ કે તેમની હત્યા કરવામાં આવી છે. જો કે, આ સમાચાર વચ્ચે વધુ એક સમાચાર આવ્યા છે કે, શરદ પવાર અનિલ દેશમુખના કામકાજથી નારાજ છે અને મહારાષ્ટ્રમાં ગૃહમંત્રી બદલવાની ચર્ચાએ જોર પકડ્યું છે. 

રાજ્ય સરકાર કરી રહેલ તપાસમાં મદદ : દેશમુખ

અનિલ દેશમુખે કહ્યું કે, એન્ટિલિયા નજીકથી મળેલ વિસ્ફોટક ભરેલ વાહન અને મનસુખ હિરેનની હત્યા કેસની એનઆઇએ અને એટીએસ ગંભીર રીતે તપાસ કરી રહી છે. રાજ્ય સરકાર તપાસ માટે એનઆઇએને મદદ કરી રહી છે. 

નારાજ થયેલી શરદ પવાર ગૃહમંત્રી બદલશે ? 

NCP સુપ્રીમો શરદ પવાર અને ગૃહમંત્રી અનિલ દેશમુખ વચ્ચે આશરે દોઢ કલાક બેઠક ચાલી હતી. સૂત્રોના જણાવ્યા પ્રમાણે, આ બેઠક દરમિયાન શરદ પવારે અનિલ દેશમુખનું રિપોર્ટકાર્ડ પણ જોયું હતું અને અનિલ દેશમુખના પરફોર્મન્સથી નારાજ થયાં હતા. ત્યારબાદ મહારાષ્ટ્રમાં ગૃહમંત્રી બદલાવાની ચર્ચાએ જોર પકડ્યું છે. 

મુંબઇના પોલીસ કમિશનરને હટાવાયા 

અગાઉ મુંબઈ પોલીસ કમિશનર પરમબીર સિંઘની બદલી થઈ હતી અને તેમની જગ્યાએ હેમંત નાગરાલેને મુંબઈના નવા પોલીસ કમિશનર તરીકે નિમણૂક કરવામાં આવી છે. પરમબીર સિંહની અચાનક બદલીને એન્ટિલિયા કેસ સાથે જોડવામાં આવી રહ્યો છે. પરબીરસિંહને નવી પોસ્ટિંગ આપવામાં આવી છે અને ડીજી હોમગાર્ડ બનાવવામાં આવ્યા છે.

સચિન મનસુખના સતત સંપર્કમાં હતા

સચિન વાઝેના સીડીઆરથી ખુલાસો થયો છે કે એનઆઈએ અને એટીએસ સમાંતર વિસ્ફોટક હુમલાની તપાસ કરી રહ્યા હતા, ત્યારે સચિન વઝે મનસુખ સાથે સતત સંપર્કમાં હતા. સીડીઆરએ બતાવ્યું કે 3 અને 4 માર્ચે, એટલે કે મનસુખના ગુમ થયાની તારીખના એક દિવસ પહેલાથી તેઓ મનસુખના સતત સંપર્કમાં હતા.