Assembly Elections 2023 / ચૂંટણી પહેલા કોંગ્રેસની હવા હતી પણ છેલ્લી ઘડીએ ભાજપે આ રીતે પલટી નાંખી બાજી... જાણો MPમાં ફતેહની ઈનસાઈડ સ્ટોરી

• વિધાનસભા ચુંટણી માટે રવિવારે મતગણતરી થઈ
• મધ્ય પ્રદેશમાં ફરી બની રહી છે BJPની સરકાર 
• છેલ્લી ઘડીએ ભાજપે આ રીતે પલટી નાંખી બાજી

મધ્ય પ્રદેશ વિધાનસભા ચૂંટણીમાં BJP શાનદાર લીડ મેળવી છે. એક વખત ફરી બીજેપી સત્તામાં આવવા જઈ રહી છે. મધ્ય પ્રદેશમાં જીત માટે આ વખતે પાર્ટીએ શું રણનીતિ બનાવી હતી કે તેને ભારે જીત મળી? આ વખતે પાર્ટી નેતાઓનું કહેવું છે કે વોટિંગથી 4 એઠવાડિયા પહેલા જ પાર્ટીએ એટલો જોરદાર પ્રયત્ન કર્યો કે જે સર્જીકલ સ્ટ્રાઈકની જેમ અસર કર્યો અને આ પ્રયત્નએ ગેમ પલટી નાખી. 

પાર્ટીની જીત માટે કરવામાં આવ્યું આ કામ 
પાર્ટી સૂત્રો અનુસાર રાજ્યમાં ચૂંટણી પ્રચારની જવાબદારી પ્રધાનમંત્રી નરેન્દ્ર મોદી અને ગૃહમંત્રી અમિત શાહે લીધી હતી. પીએમ મોદીએ કેમ્પેન સંભાળ્યું અને અમિત શાહે જમીની સ્તર પર પાર્ટીની જીત માટે કામ કર્યું. 

ત્યાં જ પાર્ટીની જનઆશીર્વાદ યાત્રાનું નેતૃત્વ કરવાની જવાબદારી શિવરાજની જગ્યા પર કેન્દ્રીય મંત્રીઓને સોંપવામાં આવી. અહીં સુધી કે મુખ્યમંત્રી ઉમ્મેદવાર માટે પણ શિવરાજ સિંહ ચૌહાણના નામની જાહેરાત ન કરવામાં આવી. તેના ઉપરાંત, બીજેપીએ મહિલાઓ માટે ઘણી યોજનાઓની જાહેરાત કરી. 

રણનીતિ અને માઈક્રમેનેજમેન્ટ પર ખાસ ધ્યાન 
એક રિપોર્ટ અનુસાર બીજેપીના એક સીનિયર નેતાએ કહ્યું કે પાછલા થોડા અઠવાડિયામાં પાર્ટીએ પોતાની રણનીતિ અને માઈક્રો-મેનેજમેંટ પર ખાસ કામ કર્યું છે જેથી કાર્યકર્તા ચુંટણીના પરિણામ માટે કામ કરે અને પાર્ટીને વિજયી બનાવી શકે. બીજેપી નેતાએ કહ્યું કે 2018ની વિધાનસભા ચુંટણી આ વખતે એટલા માટે અલગ છે કારણ કે આ વખતે પાર્ટીના કેડરે વધારે સક્રિયતા બતાવી છે.