લોકડાઉન / સુરતમાં યોજાયા અનોખા લગ્નઃ વર-કન્યાને મહેમાનોએ આપ્યાં વીડિયો કોન્ફરન્સથી આશીર્વાદ

• લોકડાઉન વચ્ચે યોજાયાં અનોખા લગ્ન
• વર-કન્યા-પંડિતે માસ્ક પહેરી કરી વિધી
• મહેમાનો વીડિયો કોન્ફરન્સતી બન્યાં સાક્ષી

સુરતમાં રહેતા દિશાંત પૂનમિયા અને પૂજા બાર્નોટાના લગ્ન 6 મહિના પહેલા 16 એપ્રિલના રોજ નક્કી થયાં હતાં. આ પરિવાર મૂળ રાજસ્થાનનો હતો, તેથી લગ્ન રાજસ્થાનમાં થવાના હતા જેમાં 300 મહેમાનોને આમંત્રણ અપાયું હતું.

આ પરિવારને આશા હતી કે જો લોકડાઉન 14 એપ્રિલના રોજ સમાપ્ત થશે તો તેઓ ધામધૂમ સાથે લગ્ન કરશે, પરંતુ લોકડાઉન 19 દિવસ સુધી એટલે કે 3 મે સુધી લંબાવી દીધું હતું. આવી સ્થિતિમાં, આ પરિવારે નક્કી કર્યું કે હવે તેઓએ સાદાઇથી એક નિશ્ચિત તારીખના રોજ લગ્ન કરવા જોઈએ.

ગુરુવારે વરરાજા, પંડિત, યુવતી અને છોકરીના માતા-પિતા લગ્નમાં જોડાયા હતા અને લગ્નના આખા સમારોહને માત્ર અડધા કલાકમાં જ પૂરો કરવામાં આવ્યો હતો. મહેમાનો આ અનોખા લગ્નના સાક્ષી  વીડિયો કોન્ફરન્સથી બન્યાં હતા. 

લગ્ન પૂર્વે પંડિતે, વરરાજા અને તેમનાં માતા-પિતાનાં હાથ સેનેટાઇઝથી ધોઈ નાખ્યાં હતાં. જો કેસ સમયની માગ સાથે જરૂરિયાત વખતે કન્યા અને વરરાજાએ માસ્ક સાથે હાથમાં ગ્લોવ્ઝ પણ પહેર્યાં હતા. 

સાદાઇથી લગ્ન કરવાના સવાલ પર કન્યા અને વરરાજાએ કહ્યું કે અમને ધામધૂમથી સાથે લગ્ન કરવાની ઇચ્છા હતી, પરંતુ લોકડાઉનનાં નિયમોનું પાલન પણ કરવું જરૂરી છે. આવી સ્થિતિમાં અમે આ પગલું ભર્યું અને ઘરે રહીને લગ્નની આખી પ્રક્રિયા પૂર્ણ કરી.

Photo Source: Twitter