લાઇફસ્ટાઇલ / શું તમને પણ વધારે પડતું વિચારવાની છે આદત? તો સાવધાન! જાણો ગેરફાયદા અને ઉપાય

• કોઈપણ નિર્ણય લેતા પહેલા આપણે વધુ વિચારીએ છીએ
• વસ્તુ મગજમાંથી ના નીકળે તો તે ઓવરથિંકિંગ બની જાય છે
• આ ઉપાય અપનાવીને તમે ઓવરથિંકિંગથી બચી શકો છો

અનેક વાર કોઈપણ નિર્ણય લેતા પહેલા આપણે વધુ વિચારીએ છીએ. આ વિચાર એટલા વધુ હોય છે કે, તેના કારણે રાત્રે પણ ઊંઘ પણ આવતી નથી. નિર્ણય લેતા પહેલા કોઈપણ પરિસ્થિતિનું મૂલ્યાંકન કરતા સમયે તમામ બાબતોએ વિચારણાં કરવી તે એક સામાન્ય બાબત છે. જ્યારે આ વસ્તુ તમારા મગજમાંથી નીકળી શકતી નથી, ત્યારે તે ઓવરથિંકિંગ બની જાય છે. આ ઉપાય અપનાવીને તમે ઓવરથિંકિંગથી બચી શકો છો. 

ઓવરથિંકિંગથી બચવાના ઉપાય
મેડિટેશન કરો
નિયમિતરૂપે મેડિટેશન કરવાથી ગભરામણ દૂર થાય છે. ઓવરથિંકિંગથી બચી શકાય છે. દરરોજ 5 મિનિટ શાંત વાતાવરણમાં રહીને ખુદને સમય આપવાની કોશિશ કરો. 

ખુદનો વિસ્તાર કરો
અનેક વાર નાની નાની બાબતે વધુ વિચારવાથી તે બાબત મોટી બની જાય છે. તમારા મનમાં જે કંઈપણ ચાલી રહ્યું છે, તેની 5-10 વર્ષ પછી તમારા જીવન પર શું અસર થશે? શું આ બાબતોને કારણે તમારા જીવન પર અસર થશે. આ તમામ બાબતોને સમજો અને નાની નાની મુશ્કેલીઓને મોટી આફતમાં પરિવર્તિત ના થવા દેવી.

અન્ય વ્યક્તિ માટે કંઈક સારું કરો
તમે ખુદ પરથી ધ્યાન હટાવીને અન્ય લોકો વિશે વિચારો તો ઓવરથિંકિંગથી બચી શકો છો. ખરાબ સમયમાંથી પસાર થતી વ્યક્તિને કેવી રીતે મદદરૂપ થવું તે અંગે વિચારવું.

સેલ્ફ લવ
કોઈપણ ભૂલ માટે ખુદને જવાબદાર ના ઠેરવો. જેથી વારંવાર ખુદને કહો કે, ‘હું જેવો છું તેવો ખુદનો સ્વીકાર કરું છું. હું મારા ખુદ માટે કાફી છું.’

ડરનો સામનો કરો
કેટલીક વસ્તુઓ નિયંત્રણ બહાર રહેશે તેનો સ્વીકાર કરતા શીખો. જેથી ઓવરથિંકિંગ પર અંકુશ લગાવી શકશો. નાની નાની તક શોધો અને જે બાબતે તમે હંમેશા ચિંતિત રહો છે, તે પરિસ્થિતિનો સામનો કરો. 

 (Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાંત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)