- લક્ષ્મણ સાવદીએ ભાજપ છોડી કોંગ્રેસમાં જોડાવાનો નિર્ણય કર્યો
- મારી લાશને પણ ભાજપ કાર્યાલયની સામેથી ન લઈ જવી - સાવદી
- અમે તેમની પ્રતિષ્ઠાથી વાકેફ છીએ - શિવકુમાર
કર્ણાટકમાં 10 મેના રોજ યોજાનારી વિધાનસભાની ચૂંટણીમાં ટિકિટ ન મળતા ભાજપના પ્રાથમિક સભ્યપદેથી રાજીનામું આપનાર પૂર્વ નાયબ મુખ્યમંત્રી લક્ષ્મણ સાવદીએ કોંગ્રેસમાં જોડાવાનો નિર્ણય કર્યો છે. કોંગ્રેસ પ્રદેશ એકમના અધ્યક્ષ ડીકે શિવકુમાર સહિત પાર્ટીના વરિષ્ઠ નેતાઓને મળ્યા બાદ સાવદીએ નિર્ણય લીધો હતો.
અમે તેમની પ્રતિષ્ઠાથી વાકેફ છીએ - શિવકુમાર
શિવકુમાર સાથે મુલાકાત દરમિયાન પૂર્વ મુખ્યમંત્રી સિદ્ધારમૈયાઅને કોંગ્રેસના મહાસચિવ અને કર્ણાટકના પાર્ટી પ્રભારી રણદીપ સિંહ સુરજેવાલા પણ હાજર હતા સાવદી અને સિદ્ધારમૈયાની હાજરીમાં મીડિયાને સંબોધતા શિવકુમારે કહ્યું, "સાવદી સાથે અમારી મુલાકાત સારી રહી અને અમે તેમની પ્રતિષ્ઠાથી વાકેફ છીએ. હવે તેઓ સ્વેચ્છાએ કોંગ્રેસ પરિવારના સભ્ય બનવા માટે સંમત થયા છે અને તેઓ પાર્ટીની વિચારધારાને અમારી સાથે જોડાવવા માંગે છે.
મારી લાશને પણ ભાજપ કાર્યાલયની સામેથી ન લઈ જવી
આ સાથે જ કર્ણાટકના પૂર્વ ઉપમુખ્યમંત્રી અને ત્રણ વખત ધારાસભ્ય રહી ચૂકેલા લક્ષ્મણ સાવદીએ કહ્યું કર,'મેં ભાજપ સાથે કામ કર્યું હતું પણ હવે બહુ થયું. હવે એવી પરિસ્થિતિ છે કે મારા મૃત્યુ પછી મારી લાશને પણ ભાજપ કાર્યાલયની સામેથી ન લઈ જવી.' હવે અથાનીથી ભાજપના મહેશ કુમથલ્લી સામે તેઓ મેદાનમાં ઉતરે તેવી શક્યતા છે, એમને 2018માં ભૂતપૂર્વ નાયબ મુખ્યમંત્રીને હરાવ્યા હતા.
ભાજપે વચન પાળ્યું નહીં
આ વિશે વાત કરતાં સાવદીએ આગળ જણાવ્યું હતું કે, 'તેઓ ભાજપ પ્રત્યે વફાદાર રહ્યા હતા અને રાજ્યના અન્ય ભાગોમાં પણ પાર્ટીના ઉમેદવારોને જીતાડવામાં મદદ કરી હતું પણ પાર્ટીએ તેમને અથાની 2023ની વિધાનસભા ચૂંટણીમાં મેદાનમાં ઉતારવાનું વચન પાળ્યું નહીં. નોંધનીય છે કે સાવદી બેલાગવી જિલ્લાના અથાનીથી ત્રણ વખત ધારાસભ્ય રહી ચૂક્યા છે એવામાં આ વખતે સાવદીની વિનંતીને અવગણીને ભાજપે આ અઠવાડિયની શરૂઆતમાં બેઠક વર્તમાન ધારાસભ્ય મહેશ કુમથલ્લીને આપી હતી.
આ મારું અપમાન છે
સાવદીએ હાલમાં ભાજપની ટિકિટ પર વિધાન પરિષદ (MLC)ના સભ્ય છે અને ભાજપ પર પ્રહાર કરતા કહ્યું કે, 'ભાજપે શાસક પક્ષ પાસેથી નાયબ મુખ્ય પ્રધાન બનાવવાની માંગણી કરી ન હતી પણ જાણ કર્યા વિના પદ પરથી દૂર કરવામાં આવ્યા જે મારુ અપમાન છે.'
