- ભારતનાં પૂર્વ સૉલિસિટર જનરલ હરીશ સાલ્વેનાં ત્રીજા લગ્ન
- આ કાર્યક્રમમાં ભાગેડુ લલિત મોદી પણ આમંત્રિત
- હાથમાં પેગ લઈને ઊભેલા લલિત મોદીનો વીડિયો વાયરલ
Lalit Modi with Harish Salve: ભારતનાં પૂર્વ સૉલિસિટર જનરલ હરીશ સાલ્વેએ રવિવારે લંડનમાં પોતાની બ્રિટિશ પાર્ટનર ટ્રિના સાથે પોતાના ત્રીજા લગ્ન કર્યાં. લગ્નમાં નીતા અંબાણી, સ્ટીલ વેપારી લક્ષ્મી મિત્તલ અને મૉડલ ઉજ્જવલા રાઉત સહિત અનેક હાઈ-પ્રોફાઈલ મહેમાન શામેલ થયાં હતાં. જો કે આ બધાની વચ્ચે એક વિવાદસ્પદ વીડિયો સામે આવ્યો. આ વીડિયોમાં સાલ્વેનાં લગ્નમાં IPL પૂર્વ ચેરમેન લલિત મોદી પણ પહોંચી ગયાં હતાં. તેમની ઉપસ્થિતિને લીધે રાજકીય વિવાદો શરૂ થઈ ગયાં છે. વિપક્ષી દળો સરકારની ભારે ટીકા કરી રહ્યાં છે.
વિપક્ષી દળોનાં નેતાએ સરકાર પર સાધ્યું નિશાન
વિપક્ષી નેતાઓનું માનવું છે કે હરિશ સાલ્વે 'વન નેશન, વન ઈલેક્શન' માટે બનાવવામાં આવેલી ઉચ્ચ સ્તરીય સમિતિનાં સદસ્ય છે જેમની અધ્યક્ષતા પૂર્વ રાષ્ટ્રપતિ રામનાથ કોવિંદ કરે છે. સાલ્વેનાં લગ્નમાં પૂર્વ IPL કમિશ્નર અને નાણાકીય અનિયમિતતાઓનાં ભાગેડુ તરીકે આરોપિત લલતિ મોદીની ઉપસ્થિતિ એક અલગ દ્રશ્ય બનાવી રહ્યું છે.
વિપક્ષી નેતા પૂછી રહ્યાં છે કે કોણ કોને બચાવી રહ્યું છે?
શિવસેના UBT પ્રિયંકા ચતુર્વેદીએ આ મુદે કેન્દ્ર પર નિશાન સાધ્યું હતું. પ્રિયંકા ચતુર્વેદીએ કહ્યં કે,' મને ભાજપનાં વકીલનાં ત્રીજા લગ્નથી કોઈ મતલબ નથી. પરંતુ હા, સમાન લગ્ન કાયદા, બહુપત્નીત્વ પર જ્ઞાન આપતી મોદી સરકાર પર ચોક્કસથી એક સવાલ છે. તેમણે કહ્યું કે કોઈને ચિંતા થવી જોઈએ કે, એવો ભાગેડુ કે જે ભારતીય કાયદાઓથી બચી રહ્યો છે એ મોદી સરકારનાં મનપસંદ વકીલનાં લગ્નમાં આમંત્રિત વ્યક્તિનાં રૂપમાં જશ્ન મનાવી રહ્યો છે. કોણ કોની મદદ કરી રહ્યું છે? હવે કોણ કોની રક્ષા કરી રહ્યું છે ? '
મહારાષ્ટ્ર કોંગ્રેસનાં મહાસચિવે પણ આપ્યું નિવેદન
મહારાષ્ટ્ર કોંગ્રેસનાં મહાસચિવ પ્રીતેશ શાહે પણ હરિશ સાલ્વેનાં લગ્નમાં લલિત મોદીની હાજરીની ટીકા કરી અને કહ્યું કે રાહુલ ગાંધીને નીરવ મોદી, લલિક મોદીને ચોર કહેવા માટે અયોગ્ય ઠેરવવામાં આવ્યું અને હરિશ સાલ્વેએ તેનો બચાવ કર્યો. હાલમાં મોદી સરકારે વન નેશન વન ઈલેક્શન પર સમિતિનું ગઠન કર્યું. ભાગેડુ લલિત મોદીની સાથે મોજ કરી રહેલા હરિશ સાલ્વે પણ એ કમિટીનો એક હિસ્સો છે.'
