રોગચાળો / રાજ્યમાં ડેંગીએ હાહાકાર મચાવ્યો છે ત્યારે આ લોકલાડિલી ગાયિકા પણ ડેંગીનો શિકાર

• ગીતા રબારીનો કેસ પોઝીટીવ આવતા સારવાર હેઠળ ખસેડાઇ 
• ગઈ કાલે રાત્રે ડેંગીનો રિપોર્ટ આવ્યો પોઝીટીવ આવ્યો
• કચ્છમાં સિવિલ સર્જન પણ ડેંગીના ભરડામાં આવ્યાં

કચ્છની લોક ગાયિકા ગીતા રબારી પણ ડેંગીની ઝપેટમાં આવતા તેને  સારવાર માટે ભૂજની ખાનગી હોસ્પિટલમાં ખસેડવામાં આવી છે.  બે દિવસ તાવ આવ્યા બાદ ગીતા રબારીનો ડેંગીનો રિપોર્ટ પોઝિટિવ આવ્યો હતો.  કચ્છમાં સિવિલ સર્જન સહિત સાત જેટલા તબીબી પણ ડેંગીની બીમારીમાં સપડાયા છે. 

શું કહે છે ડોક્ટર 

ગીતા રબારીની સારવાર કરનાર ડોક્ટરનું કહેવુ છે કે, ગીતા બે દિવસ પહેલા સાંજે હોસ્પિટલ આવી હતી જ્યાં તેની ફરિયાદ હતી કે બપોરથી તેને તાવ છે તેને પ્રાથમિક સારવાર બાદ પણ તાવ ઓછો ન થતા અમે તેનો બ્લડ ટેસ્ટ કરાવ્યો હતો જેમાં તેનો ડેંગીનો રિપોર્ટ પોઝિટિવ આવ્યો છે. હાલ તેને હોસ્પિટલ ખાતે દેખરેખ હેઠળ રાખવામાં આવી છે. ડેંગી હોવાથી રિકવરી આવતા હજુ પાંચથી સાત દિવસ લાગશે. હાલ તેની તબિયત સારી છે, તેને કોઈ તકલીફ નથી."

ગીત 'રોંણા શેરમાં રે...' છે. આ ગીતને યુટ્યૂબ પર મચાવી ધૂમ

ગીતા રબારી ગુજરાતની જાણીતા લોક ગાયિકા છે. તેનો જન્મ કચ્છના ટપ્પર ગામમાં થયો છે. તેના અનેક ગીતો ખૂબ પ્રસિદ્ધ થયા છે, જેમાંનું એક ગીત 'રોંણા શેરમાં રે...' છે. આ ગીતને યુટ્યૂબ પર કરોડથી પણ વધારે વખતો જોવામાં આવ્યું છે. ગીતા રબારીએ નાની ઊંમરમાં જ ગાવાનું શરૂ કર્યું હતું. તે ભજન, લોકગીત, સંતવાણી કે પછી ડાયરાઓ કરે છે.

વડાપ્રધાન નરેન્દ્ર મોદી સાથે મુલાકાત

ગીતા રબારીએ ગત જુલાઈ મહિનામાં જ દિલ્હી ખાતે વડાપ્રધાન નરેન્દ્ર મોદી સાથે મુલાકાત કરી હતી. વડાપ્રધાન મોદીએ આ અંગે ટ્વીટ કરી હતી. પીએમ મોદીએ લખ્યું હતું કે, 'ગીતા રબારી જેવા લોકો આપણા સમાજ માટે પ્રેરણા છે. એક સારી પૃષ્ટભૂમિમાંથી આગળ આવતા ગીતાએ પોતાનું કામ ચાલુ રાખ્યું અને આજે તે પોતાના કામમાં અગ્રેસર છે. ગીતાએ ગુજરાતી સંગીતને યુવાઓ વચ્ચે લોકપ્રીય બનાવવાનું કામ કર્યું છે. હું તેનાથી પ્રભાવિત છું. સારા ભવિષ્ય માટે શુભેચ્છા.