- 500 રૂપિયામાં મળી શકે છે ગેસ સિલિન્ડર
- સરકાર ગરીબ પરિવારોને આપી રહી છે સસ્તા સિલિન્ડર
- જાણો કઈ રીતે લેશો આ યોજનાનો લાભ
મોંઘવારીથી રાહત આપવા માટે સરકારે 500 રૂપિયામાં ગેસ સિલિન્ડરની બુકિંગની સુવિધા આપી છે. તમે ફક્ત 500 રૂપિયામાં ગેસ સિલિન્ડર ઘરે લાવી શકો છો. તેના માટે તમારે કોઈ અલગ ચાર્જ વસુવાના રહેશે નહીં. જોકે 500 રૂપિયામાં રાંધણ ગેસ સિલિન્ડર દરેકને નથી આપવામાં આવતા.
500 રૂપિયામાં રસોઈ ગેસ
રાજસ્થાન સરકારે મુખ્યમંત્રી ગેસ સિલિન્ડર યોજના હેઠળ ગરીબ પરિવારો અને ઉજ્જવલા યોજનાના લાભાર્થીઓને 500 રૂપિયામાં રસોઈ ગેસ ઉપલબ્ધ કરાવવાનો નિર્ણય કર્યો છે.
તેનાથી બીપીએલ કનેક્શન ધારકોના એકાઉન્ટમાં 610 રૂપિયાની સબ્સિડી મળે છે. જ્યારે 410 રુપિયાની સબ્સિડી ઉજ્જવલા યોજનાના લાભાર્થીઓના ખાતામાં મોકલવામાં આવશે. આ સબ્સિડીથી 750 કરોડ રૂપિયાનો વાર્ષિક બોજો સરકારના ખજાના પર પડશે.
સસ્તા રાંધણ ગેસ માટે શું કરવું પડશે?
જો તમે રાજસ્થાન સરકારના નિવાસી છો અને બીપીએલ કે ઉજ્જવલા યોજના હેઠળ આવો છો તો તમે પણ 500 રૂપિયામાં દર મહિને ગેસ સિલિન્ડરનો લાભ ઉઠાવી શકો છો.
સબ્સિડી લેવા માટે ધારકોએ પોતાનું બેંક એકાઉન્ટ જન આધાર સાથે લિંક કરવાનું રહેશે. જો કોઈ લિંક નહીં કરાવે તો તેને લાભ નહીં આપવામાં આવે. આ યોજના 1 એપ્રિલથી શરૂ થઈ ચુકી છે.
રાજ્ય સરકારે કેન્દ્રીય પેટ્રોલિયમ મંત્રાલય પાસેથી બીપીએલ અને ઉજ્જવલા યોજનાની યાદી માંગી છે. ડેટા મળ્યા બાદ સબ્સિડી માટે આગળની પ્રોસેસ પુરી કરવામાં આવશે.
એકાઉન્ટમાં આવશે સબ્સિડી
ગેસ કનેક્શન ધારકોએ સપ્લાયરને સંપૂર્ણ નાણા ચુકવીને જ ગેસ લેવાનો રહેશે. ત્યાર બાદ રાજ્ય સરકાર યોગ્ય કનેક્શન ધારકોને એકાઉન્ટમાં સબ્સિડીની રકમ મોકલશે. જેનાથી ગરીબ પરિવારોને 500 રૂપિયામાં ગેસ સિલિન્ડરનો લાભ મળે.
જણાવી દઈએ કે રાજસ્થાનમાં 73 લાખ પરિવારોને તેનો લાભ મળશે. તેમાં 69 લાખ 20 હજાર ઉજ્જવલા યોજના અને 3 લાખ 80 હજાર બીપીએલ પરિવારના લાભાર્થી શામેલ છે.
