ગીર સોમનાથ / ખજૂરભાઈના હસ્તે ગુજરાતના ગામડાનું પહેલું જાહેર AC શૌચાલયનું ઉદ્ધાટન, ઉભી કરાઇ આ ખાસ વ્યવસ્થા, જુઓ VIDEO

• ધોકડવા ગામે AC શૌચાલય ખુલ્લું મુકાયું
• નિતન જાનીના હસ્તે ખુલ્લું મુકાયું AC શૌચાલય
• આ સુવિધાથી ગ્રામજનોમં ખુશી

 ગીર સોમનાથના ગિરગઢડા તાલુકાના ધોકડવા ગામના જ્યાં આજે ગુજરાતનું પહેલું ગ્રામ્ય વિસ્તારનું જાહેર AC થી સુસજ્જ શૌચાલય ખુલ્લું મુકાયું આ શૌચાલયમાં એસીની ફેસિલિટી રાખવામાં આવી છે. એટલુંજ નહિ બહાર પીવાનું શુદ્ધ R.O નું ઠંડુ પાણી માટે ની પણ વ્યવસ્થા કરાય છે. 

સરપંચ પોતાના ખીસ્સાના પૈસા ખર્ચી લોકોને સુવિધા આપી રહયા છે
ધોકડવા ગામના સરપંચ પ્રતિનિધિ એભલ બામભણીયાએ જણાવ્યું કે એસી યુક્ત સુસજ્જ શૌચાલય માટે સરકારે ત્રણ લાખ ગ્રાન્ટ ફાળવી છે જો કે ટોટલ ખર્ચ 6 લાખ રૂપિયા થયો છે. બાકીના ત્રણ લાખ રૂપિયા સરપંચ પ્રતિનિધિએ પોતાના ખીસ્સામાંથી ખર્ચ કર્યા છે. સામાન્ય રીતે ગામના સરપંચ પર ભ્રષ્ટાચારના આક્ષેપ થતા હોય છે પણ અહીંયા ઉલટી ગંગા વહી રહી છે. અહીં સરપંચ પોતાના ખીસ્સાના પૈસા ખર્ચી લોકોને સુવિધા આપી રહયા છે.

 પ્રવાસીઓ પણ શૌચાલયનો લાભ લઈ શકશે
ધોકડવા ગામે મુખ્ય રસ્તા પર બનેલા આ શૌચાલય માત્ર ગામ લોકો જ નહીં પરંતુ તુલશીશ્યામ, અમદાવાદ અને અમરેલી જતા પ્રવાસી પણ લાભ લઈ શકશે. અહીં મહિલા પુરુષ ની સાથે સાથે  વિકલાંગો માટે પણ અલગ શૌચાલય બનાવવમાં આવ્યું છે જોકે આ સુવિધા થી ગ્રામજનો તેમજ પ્રવાસીઓ માં ખુશી જોવા મળી.