લાઇફસ્ટાઇલ / વજન ઓછું કરવા માટે શું તમે અપનાવી રહ્યાં છો કીટો ડાયટ? તો ચેતી જજો, તેના ગેરફાયદા પણ છે

• વજન ઓછું કરવા લોકો કીટો ડાયટ ફોલો કરતા થયા
• આ ડાયટ ઘણા લોકો માટે યોગ્ય નથી
• કીટો ડાયટ કરવાથી શરીરનાં મેટાબોલિઝમ પર ખરાબ અસર પડે

આજકાલ વજન ઓછું કરવા લોકો કીટો ડાયટ ફોલો કરતા થયા છે. કીટો ડાયટની અંદર વધુ માત્રામાં ફેટ, સંતુલિત માત્રામાં પ્રોટીન અને ખુબજ ઓછી માત્રામાં કાર્બોહાઈડ્રેટ લેવામાં આવે છે. આ ડાયટની અંદર વટાણા, માંસ, ચીજ, ઈંડા, ચિકન, નટ્સ, સીફૂડ અને બીજ લેવામાં આવે છે. હવે પ્રશ્ન એમ છે કે શું આ ડાયટ શરીર માટે યોગ્ય છે કે નહીં. અમુક સોધ મુજબ એવું સામે આવ્યું છે કે આ ડાયટ આપણાં શરીર માટે નુકસાનકારક છે. સ્વાસ્થ્ય નિષ્ણાંતોનું એવું માનવું છે કે થોડા સમય માટે આ ડાયટ ફોલો કરી શકાય. લાંબા સમય સુધી આ ડાયટને ફોલો કરવાથી શરીરને નુકસાન થઈ શકે છે.

કીટો ડાયટથી કેવી રીતે વજન ઓછું થાય 
કીટો ડાયટની અંદર કાર્બ્સની માત્રા ખુબજ ઓછી હોય છે. તેથી તમે ફળ, શાકભાજી, ઈંડા, માંસ વગેરે ખાય શકો. રોટલી, ભાત અને બટાકા જેવાં કાર્બોહાઈડ્રેટ ફૂડ્સ બિલકુલ ન ખાવા જોઈએ. તેની જગ્યાએ પ્રોટીન અને ફેટની વધુ માત્રા વાળા ફૂડ્સનું સેવન કરવાનું હોય છે. કાર્બ્સની ઓછી માત્રાનું સેવન કરવાથી શરીરને ઉર્જા નથી મળતી અને ત્યારે શરીર સંગ્રહિત ચરબીને તોડીને ઉર્જા મેળવે છે. આ પ્રક્રિયાને કીટોસિસ કહેવામાં આવે છે. શરીરને ઉર્જા માટે ચરબીનો ઉપયોગ કરવો પડે છે. જેના કારણે વજન ઓછું થવા લાગે છે. આ ડાયટ ઘણા લોકો માટે યોગ્ય નથી. 

સ્ટ્રોકનું જોખમ 
એક સોધ મુજબ કીટો ડાયટ કરવાથી શરીરનાં મેટાબોલિઝમ પર ખરાબ અસર પડે છે. આ ડાયટની અંદર કાર્બોહાઈડ્રેટ ખુબજ ઓછું અને ફેટ વધુ પ્રમાણમાં હોય છે. જેના કારણે લોહીની અંદર ખરાબ કોલેસ્ટ્રોલનું પ્રમાણ વધી શકે છે. જેથી સ્ટ્રોક અને હાર્ટ અટેકનું જોખમ વધી જાય છે. આ ડાયટનાં કારણે શરીરને જરૂરી પોષક તત્વો મળી શકતા નથી. એટલા માટે ડોક્ટરની સલાહ વગર કીટો ડાયટ ફોલો ન કરવી જોઈએ. નહીંતર સ્ટ્રોકનું જોખમ વધી શકે છે.  

કિડની પર અસર 
માંસ અને ચીજ વગેરે જેવાં ફૂડ્સ કીટો ડાયટની અંદર આવે છે. આ ફૂડ્સની અંદર કાર્બોહાઈડ્રેટનું પ્રમાણ ઓછું હોય છે.  આ ફૂડ્સ ખાવાથી કિડની પર હાનિકારક અસર થાય છે. આ ફૂડ્સ પેશાબ અને લોહીને વધુ એસીડીક બનાવે છે. પેશાબમાં કેલ્શિયમની માત્રા વધી જાય છે. આ બધું મળીને કિડની સ્ટોન અને કિડનીની કાર્યક્ષમતા ખરાબ કરવાનું કામ કરે છે. એટલા માટે કીટો ડાયટમાં નૉનવેજ ફૂડ્સનું સેવન ખુબજ ઓછું કરવું જોઈએ.