કર્ણાટકની સિદ્ધારમૈયા સરકારે મોટો નિર્ણય લેતાં રાજ્યમાં હૂક્કાબાર પર સંપૂર્ણ પ્રતિબંધ મૂકી દીધો છે. કર્ણાટક વિધાનસભાએ બુધવારે કાયદામાં સુધારો કરીને હૂક્કા પ્રતિબંધ મૂક્યો છે. આ સાથે સિગારેટ પીવાની ઉંમર પણ 18 થી વધારીને 21 કરી છે.
હવે શું બદલાશે?
- હુક્કાબાર બંધઃ આ બિલ પાસ થયા બાદ હવે રાજ્યમાં હુક્કાબાર પર સંપૂર્ણ પ્રતિબંધ લગાવી દેવામાં આવશે. હુક્કાબાર ખોલવા કે ચલાવવા પર પ્રતિબંધ રહેશે.
- રાજ્યમાં જાહેર સ્થળોએ તમાકુ ઉત્પાદનોના ઉપયોગ પર સંપૂર્ણ પ્રતિબંધ મૂકવામાં આવ્યો છે.
- અત્યાર સુધી તમાકુની પેદાશો ખરીદવાની કાયદેસર વય 18 વર્ષ હતી. પરંતુ હવે તેને 21 વર્ષ કરાઈ છે. એટલે 21 વર્ષથી ઓછી ઉંમરના કોઈને પણ સિગરેટ કે તમાકુ વેચી શકાશે નહીં.
- શાળા, કોલેજો, હોસ્પિટલો, બાળ સંભાળ કેન્દ્રો, આરોગ્ય કેન્દ્રો, મંદિરો, મસ્જિદો અને ઉદ્યાનોની આસપાસ તમાકુ ઉત્પાદનોના વેચાણ પર પ્રતિબંધ રહેશે. આવા સ્થળોથી 100 મીટરની અંદર સિગારેટ અથવા તમાકુના વેચાણ પર પ્રતિબંધ રહેશે.
1000 રુપિયાના દંડની પણ જોગવાઈ
21 વર્ષથી ઓછી ઉંમરની વ્યક્તિને કે પ્રતિબંધિત સ્થળે તમાકુ કે સિગારેટ વેચવા પર 1000 રૂપિયાનો દંડ વસૂલવામાં આવશે.
આ સિવાય હુક્કાબાર ખોલવા કે ચલાવવા માટે જો દોષી સાબિત થાય તો 1થી 3 વર્ષની જેલની સજાની જોગવાઈ છે. સાથે જ 50 હજારથી લઈને 1 લાખ રૂપિયા સુધીનો દંડ પણ લાગી શકે છે.
45 મિનિટ હૂક્કો પીવો 100 સિગારેટ પીવા બરોબર
45 મિનિટ સુધી હૂક્કો પીવો 100 સિગારેટ પીવા બરોબર છે એટલે કે આટલા સમયમાં હૂક્કો ગગડાવવો 100 સિગારેટ પીવા જેટલું નુકશાન થઈ શકે છે. WHOના જણાવ્યા અનુસાર, હૂક્કો એક માદક પદાર્થ છે જેમાં નિકોટિન અથવા તમાકુ અને ફ્લેવર્ડિંગ રાસાયણિક કાર્બન મોનોક્સાઇડ હોય છે અને તે હેલ્થ માટે ખૂબ હાનિકારક છે.
ભારતીયો કેટલી સિગારેટ પીવે છે?
ભારતમાં વિશ્વની વસ્તીના 18 ટકા છે, પરંતુ સિગારેટના વપરાશના માત્ર 2 ટકા જ છે. આ કારણથી ભારતમાં સિગારેટનો માથાદીઠ વપરાશ ખૂબ જ ઓછો છે. 2018માં રિપોર્ટ અનુસાર, ભારતમાં દરેક વ્યક્તિ વાર્ષિક સરેરાશ 89 સિગારેટ પીવે છે. જ્યારે, ચીનમાં દરેક વ્યક્તિ વર્ષમાં સરેરાશ 2,043 સિગારેટ પીવે છે.
અમદાવાહમાં હૂક્કાબારમાં કેટલાં
અમદાવાદમાં પણ અસંખ્ય હૂક્કાબાર ધમધમી રહ્યાં છે. હૂક્કોનો ટેસ્ટ માણવો તો શરુઆતમાં સારો લાગે છે પરંતુ તેનાથી થતું નુકશાન તો સિગારેટ કરતાં પણ ભયાનક છે.
