- ભાજપના રાષ્ટ્રીય મહાસચિવ કૈલાશ વિજયવર્ગીયનું નિવેદન
- 'મારી અમિત શાહ સાથે ચૂંટણી સંબંધિત કોઈ ચર્ચા નથી થઈ'
- 'રાજ્યમાં કોંગ્રેસે બહુમતી ગુમાવી દીધી છે'
ચાર રાજ્યોની ચૂંટણીની મતગણતરી રવિવારે સવારે 8 વાગ્યાથી શરૂ થઈ રહી છે અને જેની સૌ કોઈ રાહ જોઈ રહ્યાં છે. પરિણામો પહેલા એક્ઝિટ પોલ આવ્યા છે ત્યારબાદથી રાજકીય પક્ષોની સક્રિયતા અને નિવેદનબાજીમાં જોરદાર વધારો થયો છે. કોંગ્રેસના નેતા અને મધ્યપ્રદેશના પૂર્વ મુખ્યમંત્રી કમલનાથે કહ્યું કે, તેઓ એક્ઝિટ પોલથી ચિંતિત નથી પરંતુ મતદારોમાં વિશ્વાસ ધરાવે છે. કમલનાથે મતગણતરી દરમિયાન કોંગ્રેસના કાર્યકરોને સતર્ક રહેવા જણાવ્યું છે. તેમણે કહ્યું કે કોંગ્રેસને 130થી વધુ સીટો મળશે, તમે આવતીકાલ સુધી રાહ જુઓ.
કૈલાશ વિજયવર્ગીયએ શું કહ્યું ?
ચૂંટણી પરિણામો પહેલા જ ભાજપની છાવણીમાં ગતિવિધિઓ તેજ થઈ ગઈ છે. શુક્રવારે રાજધાની દિલ્હીમાં ભાજપના રાષ્ટ્રીય મહાસચિવ કૈલાશ વિજયવર્ગીય અને ગૃહમંત્રી અમિત શાહ વચ્ચે બંધ બારણે બેઠક યોજાઈ હતી. આ બેઠકને લઈને વિજયવર્ગીયની સ્પષ્ટતા પણ આવી ગઈ છે. તેમણે કહ્યું કે, મારી અમિત શાહ સાથે ચૂંટણી સંબંધિત કોઈ ચર્ચા નથી થઈ પરંતુ ચર્ચા વિકસિત ભારત સંકલ્પ યાત્રા વિશે થઈ છે. અમને પૂરો વિશ્વાસ છે કે અમારી સરકાર બનશે. રાજ્યમાં કોંગ્રેસે બહુમતી ગુમાવી દીધી છે. કોંગ્રેસને 75 બેઠકો મળે તો પણ મને નવાઈ લાગશે. કોંગ્રેસ ચૂંટણી હારી ગઈ છે એટલે તેણે ઈવીએમનું બહાનું બનાવવાનું શરૂ કરી દીધું છે.
'ભાજપને 175 બેઠકો મળશે'
કોંગ્રેસ પર નિશાન સાધતા તેમણે કહ્યું કે, કોંગ્રેસ પાસે ન તો નેતા છે, ન નીતિ કે નેતૃત્વ. ભાજપને 175 બેઠકો મળશે. મોદીજી અને શિવરાજજીની યોજનાઓથી જનતાને ફાયદો થયો છે. સીએમ કોણ હશે તે પ્રશ્નના જવાબમાં વિજયવર્ગીયએ કહ્યું કે, આ દિલ્હીમાં બેઠેલા અમારા નેતાઓનું કામ છે, આ સિવાય અમારી પાસે આંતરિક લોકશાહી છે, ત્યાં વિધાયક દળની બેઠક થશે અને તે પછી પસંદગી કરવામાં આવશે. ત્યારબાદ સંસદીય દળની બેઠકમાં નામ પર મહોર લાગશે અને માત્ર ભાજપનો કાર્યકર જ મુખ્યમંત્રી બનશે.
શિવરાજ સિંહ ચૌહાણ શું કહ્યું ?
સીએમ શિવરાજ સિંહ ચૌહાણે કહ્યું કે, ભારતીય જનતા પાર્ટી પ્રચંડ બહુમતી સાથે સરકાર બનાવવા જઈ રહી છે. વડાપ્રધાન નરેન્દ્ર મોદી પ્રત્યે લોકોનો પ્રેમ અને વિશ્વાસ, કેન્દ્ર અને રાજ્ય સરકારની અદ્ભુત યોજનાઓ, મધ્યપ્રદેશમાં અભૂતપૂર્વ વિકાસ છે, જેના પરથી સ્પષ્ટ થાય છે કે રાજ્યમાં ફરી એકવાર કમળ ખીલવા જઈ રહ્યું છે.
એક્ઝિટ પોલ
