માન્યતા / કુંડળીમાં કષ્ટોનું સૌથી મોટું કારણ એટલે 'કાળસર્પ દોષ', શિવજીના આ મંદિરમાં દર્શન માત્રથી થઇ જશે દૂર

• કાળસર્પ દોષ ખૂબ જ કષ્ટકારી ગણવામાં આવે છે
• અનેક પ્રકારની પરેશાનીઓનો સામનો કરવો પડે છે
• આ તીર્થસ્થાન પર પૂજા કરવાથી કાળસર્પ દોષ દૂર થાય છે

જ્યોતિષ શાસ્ત્ર અનુસાર કુંડળીમાં કાળસર્પ દોષ ખૂબ જ કષ્ટકારી ગણવામાં આવે છે. આ એક એવો યોગ છે, જેનાથી આર્થિક નુકસાન ખૂબ જ થાય છે. આ દોષના કારણે વ્યક્તિએ અનેક પ્રકારની પરેશાનીઓનો સામનો કરવો પડે છે. વ્યક્તિના બનતા કામ બગડવા લાગે છે. કુંડળીમાં આ દોષ તીર્થસ્થાન વિશે અહીંયા જણાવવામાં આવ્યું છે, જ્યાં વિધિ વિધાન સાથે પૂજા કરવાથી કાળસર્પ દોષ દૂર થાય છે. 

સનાતન પરંપરા અનુસાર કાળસર્પ દોષથી રાહત મેળવવા માટે મહારાષ્ટ્રના નાસિક જિલ્લામાં આવેલ ત્ર્યંબકેશ્વર મંદિર પ્રસિદ્ધ સ્થાન છે. હિંદુ માન્યતા અનુસાર 12 જ્યોતિર્લિંગમાંથી એક ત્ર્યંબકેશ્વર જ્યોતિર્લિંગનું વિશેષ મહત્ત્વ છે, જ્યા નાગપંચમી અથવા અન્ય ખાસ અવસરે કાળસર્પ દોષની વિશેષ પૂજા કરવામાં આવે છે. 

મહાદેવના મંદિરમાં દૂર થાય છે કાળસર્પ દોષ
ધાર્મિક માન્યતા અનુસાર કાળસર્પ દોષની પૂજા માટે ત્ર્યંબકેશ્વર જ્યોતિર્લિંગ પ્રસિદ્ધ સ્થાન છે. આ એક એવું મંદિર છે, જ્યાં લાખો વર્ષોથી લોકો કાળસર્પ દોષ દૂર કરવા માટે આવે છે. માનવામાં આવે છે કે, આ પાવન જ્યોતિર્લિંગના દર્શન માત્રથી કાળસર્પ દોષ દૂર થાય છે. આ કારણોસર દેશ વિદેશથી લોકો કાળસર્પ દોષ દૂર કરવા માટે અહીંયા પૂજા કરાવવા માટે આવે છે. કાળસર્પ દોષની પૂજામાં ઓછામાં ઓછો 3 કલાકનો સમય લાગે છે. આ મંદિરમાં ભગવાન શિવ મહામૃત્યુંજય રૂપમાં સ્થાપિત હોવાથી આ મંદિરને કાળસર્પ દોષની અસરથી બચવા માટે વિશેષ માનવામાં આવે છે. 

કાળસર્પ દોષ દૂર કરવા માટેના ઉપાય

• કાળસર્પ દોષથી બચવા માટે ભગવાન ગણેશની પૂજા ખૂબ જ લાભકારક હોય છે. ગણેશજી કેતુના દુખને શાંત કરે છે અને માઁ સરસ્વતીની પૂજા કરનારા લોકોને રાહુ સામે રક્ષણ આપે છે. 
• નિયમિતરૂપે ભૈરવાષ્ટકની પૂજા કરવાથી કાળસર્પ દોષ સાથે જોડાયેલ કષ્ટથી રાહત મળે છે. 
• કાળસર્પ દોષ દૂર કરવા માટે દરરોજ રૂદ્રાક્ષની માળાથી 108 વાર મહામૃત્યુંજય મંત્રનો જાપ કરવો જોઈએ. 
• કાળસર્પ દોષથી બચવા માટે બુધવારના દિવસે વિશેષ રૂપે પ્રાણપ્રતિષ્ઠિત તથા અભિમંત્રિત વીંટી કનિષ્ઠા આંગળીમાં ધારણ કરવી. 
• કાળસર્પ દોષ દૂર કરવા માટે બુધવારના દિસે કાળા કપડામાં એક મુઠ્ઠી અડદ અથવા મગની દાળ લઈને રાહુમંત્રનો જાપ કરો અને જરૂરિયાતમંદ વ્યક્તિને તેનું દાન કરો. 

(DISCLAIMER: આ લેખમાં ધર્મને લગતી આ માહિતી માત્ર અલગ-અલગ મળતી માહિતીને આધારિત છે. નહીં કે, તમે તેને સત્ય જ માની લો. કારણ કે ધર્મ એ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. કોઈપણ પ્રકારની મુશ્કેલી સર્જાશે તો તે માટે VTV ગુજરાતી જવાબદાર નહીં રહે. આ લેખ માત્ર ન્યૂઝના હેતુસર પબ્લિશ કરવામાં આવ્યો છે.)