- જૂનાગઢમાં ટ્રસ્ટ સંચાલિત હેલ્થ પ્લસ હોસ્પિટલ વિવાદમાં
- પ્રસૂતિ બાદ ત્રણ મહિલાઓની કિડની થઈ ફેલ ?
- સપ્ટેમ્બરમાં પ્રસૂતિ બાદ 2 મહિલાઓની તબિયત બગડી હતી
જૂનાગઢમાં ટ્રસ્ટ સંચાલિત હેલ્થ પ્લસ હોસ્પિટલ વિવાદમાં આવી છે. પ્રસૂતિ બાદ ત્રણ મહિલાઓની કિડની ફેલ થયાની ઘટના સામે આવતા ચકચારી મચી છે. સપ્ટેમ્બરમાં પ્રસૂતિ બાદ ત્રણ મહિલાઓની તબિયત બગડી હતી. તબિયત લથડતા એક મહિલાનું મોત નિપજ્યું છે. અન્ય 4 મહિલાઓ છેલ્લા 5 મહિનાથી ડાયાલિસિલ પર જીવવા માટે મજબૂર બન્યા છે. જો કે, સમગ્ર મામલો પ્રકાશમાં આવતા જિલ્લા અધિકારીએ તપાસનો ધમધમાટ શરૂ કર્યો હતો. PMJAY કાર્ડ પર તમામ પ્રસૂતિ થઈ હોવાની માહિતી સામે આવી છે. તો બીજી તરફ પીડિત પરિવારે ન્યાયની માગ કરી છે.
હોસ્પિટલની સારવાર પર ઉઠ્યા સવાલો
જૂનાગઢમા ઓગસ્ટ-સપ્ટેમ્બર મહિનામાં હેલ્થ પ્લસ હોસ્પિટલમા પ્રસૂતિની સારવાર માટે આવેલી 5 મહિલાને કિડની ફેલ થવાનો કિસ્સો પ્રકાશમાં આવ્યો છે. સીજેરિયન બાદ કિડની ફેલ થવાનો કિસ્સો સામે આવ્યો છે. હિરલબેન મિયાત્રા, સુમૈયાબેન કચરા, હસીનાબેન લાખા, તૃપ્તિબેન કાચા અને હર્ષિતબેન બાલસની હોસ્પિટલમાં પ્રસૂતિ સારવાર થઈ હતી. જે બાદ કિડની ફેલ થઈ હતી. 5 મહિલાઓમાંથી હિરલ મિયાત્રા અને હર્ષિતા બાલસનું વધુ સારવાર દરમિયાન મૃત્યુ થયાની વિગતો સામે આવી છે.
.JPG)
'બોટલમાં ટોક્સિક હતું'
સમગ્ર મામલે પીડિતાના પરિવારજનોએ હોસ્પિટલ તંત્રને સંપર્ક કર્યો હતો. ત્યારે હોસ્પિટલના ડોક્ટર્સ દ્વારા જણાવવામાં આવ્યુ હતુ કે, પ્રસૂતાને જે બોટલ ચડાવવામાં આવી હતી તે બોટલમાં ટોક્સિક હતુ જેમાં અમારો કોઈ વાંક નથી. આમ આવો ગોળ ગોળ જવાબ આપીને સમગ્ર બાબત બોટલ બનાવતી કંપની પર ઢોળી દીધુ હતુ. સમગ્ર બાબત કલેક્ટરને જણાવી દીધુ હોવાનુ હોસ્પિટલ મેનેજમેન્ટ જણાવી રહ્યું છે
વાંચવા જેવું: વેસ્ટર્ન ડિસ્ટ્રબન્સ સક્રિય થતાં ગુજરાતનું વાતાવરણ વેરવિખેર, જાણી લો હવામાનની મેજર અપડેટવાળી આગાહી
અમે તપાસ કરી રહ્યા છીએ: જિલ્લા આરોગ્ય અધિકારી
જૂનાગઢ જિલ્લા આરોગ્ય વિભાગે આ મુદ્દે કહ્યું કે, અમે તપાસ કરી રહ્યા છીએ. હોસ્પિટલ મેનેજમેન્ટ જણાવી રહ્યું છે કે, હોસ્પિટલમા છેલ્લા 3 વર્ષ દરમિયાન અંદાજે 3500 ઓપરેશન થયેલા છે જે બધા સફળ રહ્યા છે, આ મામલે હોસ્પિટલનો કોઈ દોષ ન હોવાની પણ વાત જણાવાઈ હતી. ઓગસ્ટ સપ્ટેમ્બરમા બનેલા બનાવ અચાનક પ્રકાશમાં આવતા અનેક સવાલો સતાવી રહ્યા છે.
