તાપમાન / વેસ્ટર્ન ડિસ્ટ્રબન્સ સક્રિય થતાં ગુજરાતનું વાતાવરણ વેરવિખેર, જાણી લો હવામાનની મેજર અપડેટવાળી આગાહી

• રાજ્યમાં ઠંડીથી મળશે આંશિક  રાહત
• ઠંડી અંગે હવામાન વિભાગની આગાહી
• વેસ્ટર્ન ડિસ્ટ્રબન્સ સક્રિય થતાં તાપમાન ઉંચકાશે

રાજ્યના હવામાનને લઈ ફરી એકવાર આગાહી સામે આવી છે. જે મુજબ હવે રાજ્યના તાપમાનમાં વધારો થશે. વેસ્ટર્ન ડિસ્ટર્બન્સ સક્રિય થતાં તાપમાનનો પારો ઉંચકાશે. વર્તમાનમાં પડી રહેલી ઠંડીને લઈ રાજ્યવાસીઓને થોડી રાહત મળશે, સાથો સાથ સામાન્ય ગરમીનો અહેસાસ થશે તેવી હવામાન વિભાગે આગાહી કરી છે.  

13.4 ડિગ્રી તાપમાન સાથે ગાંધીનગર સૌથી ઠંડુ શહેર
રાજ્યમાં ઠંડીમાંથી આંશિક રાહત મળશે. વેસ્ટર્ન ડિસ્ટ્રબન્સ સક્રિય થતાં તાપમાન ઉંચકાશે અને 24 કલાક બાદ તાપમાન 2 ડિગ્રી જેટલું વધશે. આપને જણાવી દઈએ કે, ગાંધીનગરમાં આજે 13.4 ડિગ્રી તાપમાન નોંધાયું છે. અમદાવાદમાં તાપમાન 14.7 ડિગ્રી નોંધાયુ જ્યારે પવનની દિશા ઉત્તરથી ઉત્તર-પશ્ચિમી રહશે. 

વાંચવા જેવું: સમગ્ર દેશમાં ગુજરાતના ટેબ્લોનો ડંકો: 2 એવોર્ડ સાથે સતત બીજા વર્ષે પહેલા નંબરે, આટલા ટકા વોટ મળ્યા

ઉત્તર ગુજરાત કોસ્ટમાં ઉત્તર પશ્ચિમી પવન ફૂંકાશે
હવામાન વિભાગે એ પણ જણાવ્યું કે, ગરમીની સાથે સાથે ઉત્તર ગુજરાત કોસ્ટમાં ઉત્તર પશ્ચિમી પવન ફૂંકાશે. દક્ષિણ ગુજરાત કોસ્ટમાં ઉત્તર પૂર્વીય પવન રહેશે. આવતા સપ્તાહમાં વરસાદની પણ કોઈ સંભાવના નથી.  વર્તમાનમાં સુરતમાં 30.4 અને રાજકોટમાં 30.2 ડિગ્રી તાપમાન નોંધાયું છે. દ્વારકામાં 25 અને ભૂજમાં 28.8 ડિગ્રી તપામાન નોંધાયું છે જ્યારે ડિસામાં 28.6 અને વેરાવળમાં 28.2 ડિગ્રી તાપમાન નોંધાયું છે.