ભારે આગાહી / 18થી 23 જુલાઇ ગુજરાત માટે અતિભારે: માછીમારોને પણ દરિયો ન ખેડવા સૂચના, જુઓ શું કહે છે હવામાન વિભાગ

• રાજ્યમાં વરસાદને લઈ હવામાન વિભાગની આગાહી
• આજે ગુજરાતમાં વરસાદ થશે કેટલાક વિસ્તારમાં
• આજે દક્ષિણ ગુજરાતમાં ભારે વરસાદ ની આગાહી

રાજ્યમાં વરસાદને લઈને હવામાન વિભાગ દ્વારા આગાહી કરવામાં આવી છે.  આગળનાં 7 દિવસમાં ગુજરાતમાં વરસાદ થશે. આજે ગુજરાતમાં કેટલાક વિસ્તારોમાં વરસાદ થશે. તેમજ આજે દક્ષિણ ગુજરાતમાં ભારે વરસાદની આગાહી કરવામાં આવી છે. 

5 દિવસ માટે દરિયો ન ખેડવા માછીમારોને સૂચના
આવતીકાલે પણ કેટલાક વિસ્તારોમાં ભારે વરસાદ થશે. આવતીકાલથી 23 તારીખ સુધી ભારે વરસાદની આગાહી કરવામાં આવી છે. જેમાં ગીર સોમનાથ, ભાવનગર, વલસાડ, નવસારી, સુરત તેમજ સૌરાષ્ટ્રમાં પણ ભારે વરસાદની આગાહી કરવામાં આવી છે.  તેમજ માછીમારોને 5 દિવસ માટે દરિયો ન ખેડવા સૂચના આપવામાં આવી છે. 

અમદાવાદમાં પણ 7 દિવસ સામાન્ય થી મધ્યમ વરસાદ રહેશે
19 થી 21 જૂલાઈએ સૌરાષ્ટ્ર, કચ્છમાં ભારે વરસાદની આગાહી કરવામાં આવી છે. ત્યારે દક્ષિણ ગુજરાતમાં 19 થી 21 જૂલાઈએ ભારે વરસાદની આગાહી કરવામાં આવી છે. તેમજ અમદાવાદમાં 19 અને 20 જૂલાઈએ મધ્યમથી ભારે વરસાદની આગાહી કરવામાં આવી છે. ત્યારે અમદાવાદમાં પણ 7 દિવસ સામાન્ય થી મધ્યમ વરસાદ રહેશે. રાજ્યમાં હાલ 63 ટકા વરસાદ અત્યાર સુધી થઈ ચૂક્યો છે.