- દેશભરમાં જન્માષ્ટમીની ધામધૂમથી ઉજવણી
- કૃષ્ણ મંદિરોમાં હજારો ભક્તોની ભીડ જામી
- મુંબઈમાં દહીં હાંડી ઉત્સવનું આયોજન કરાયું
- PM મોદીએ જન્માષ્ટમીની શુભકામના પાઠવી
દેશભરમાં જન્માષ્ટમીની ધામધૂમથી ઉજવણી કરવામાં આવી હતી. ભગવાન કૃષ્ણના જન્મસ્થળ મથુરાના મંદિરોમાં હજારો ભક્તો એકઠા થયા હતા ત્યારે મુંબઈમાં દહીં હાંડી ઉત્સવનું આયોજન કરવામાં આવ્યું હતું. દિલ્હીના ઈસ્કોન મંદિરમાં પણ મોટી સંખ્યામાં શ્રદ્ધાળુઓ પહોંચ્યા હતા. ભગવાન કૃષ્ણના જન્મ પ્રસંગે જન્માષ્ટમીનો તહેવાર ઉજવવામાં આવે છે. દેશના ખુણે ખુણે આજે ધુમધામથી જન્માષ્ટમી પર્વની ઉજવણી કરવામાં આવી રહી છે. આજે દેશ ભરમાંથી દ્રારકાના રાજાધીરાજ અને ડાકોરના રણછોડરાયના દર્શન કરવા માટે લોકો આવી રહ્યા છે. આ પ્રસંગે વડાપ્રધાન નરેન્દ્ર મોદીએ પણ દેશવાસીઓને શુભેચ્છા પાઠવી હતી. પીએમએ ટ્વિટર પર એક પોસ્ટમાં કહ્યું, "જનમાષ્ટમીની ખૂબ ખૂબ શુભેચ્છાઓ. હું ઈચ્છું છું કે આદર અને ભક્તિનો આ પવિત્ર અવસર મારા પરિવારના તમામ સભ્યો (નાગરિકો)ના જીવનમાં નવી ઉર્જા અને નવો ઉત્સાહ પ્રેરિત કરે. જય શ્રી કૃષ્ણ."
મથુરામાં ભક્તોની ભીડ ઉમટી
વૈદિક મંત્રોના જાપ, શંખ અને ઘંટના અવાજની વચ્ચે હજારો ભક્તોએ મથુરાના ત્રણ મુખ્ય મંદિરોમાં ભગવાન કૃષ્ણના 'અભિષેક સમારોહ'ના સાક્ષી બન્યા. રાધા રમણ, રાધા દામોદર અને ગોકુલાનંદ મંદિરોમાં અભિષેક વિધિ કરવામાં આવી હતી. આ મંદિરોમાં આજે સવારે ભગવાન કૃષ્ણના જન્મોત્સવની ઉજવણી કરવામાં આવી હતી. દરેક જગ્યાએ જન્માષ્ટમી મધ્યરાત્રિ દરમિયાન ઉજવવામાં આવે છે, આ મંદિરોમાં તે લગભગ 500 વર્ષ પહેલાં પ્રખ્યાત સંત જીવા ગોસ્વામી દ્વારા સ્થાપિત પરંપરા મુજબ દિવસ દરમિયાન ઉજવવામાં આવે છે.
મંદિરોમાં દેવી-દેવતાઓના દર્શન કર્યા
મથુરામાં સ્થિત ભગવાન કૃષ્ણના અન્ય ઘણા મંદિરોમાં મધરાતે 12 વાગ્યે અભિષેક સમારોહનું આયોજન કરવામાં આવ્યું. હજારો શ્રદ્ધાળુઓએ શ્રી કૃષ્ણના જન્મસ્થળ પર સ્થિત ભાગવત ભવન મંદિર અને અન્ય મંદિરોની મુલાકાત લીધી હતી. આ ઉપરાંત શ્રી કૃષ્ણ જન્મસ્થળથી વિદેશી ભક્તો અને કલાકારો દ્વારા એક ભીભાયાત્રા કાઢવામાં આવી હતી જે મથુરાના મુખ્ય માર્ગો અને વિવિધ ચોકો પરથી પસાર થઈ હતી. મથુરાના દ્વારકાધીશ મંદિર, વૃંદાવન, ગોવર્ધન, નંદગાંવ વગેરે સહિત અન્ય મંદિરોમાં પણ જન્માષ્ટમીની ઉજવણી કરવામાં આવી હતી.
ભક્તો ઉમટ્યા
દ્વારકામાં જન્માષ્ટમી પર્વને લઇ ભક્તિમય માહોલ જોવા મળી રહ્યો યાત્રિકો દ્વારકામાં આવી પહોંચ્યા છે દ્વારકામાં યાત્રિકોની ભીડ ઉમટી રહ્યા ભગવાન દ્વારકાધીશના જન્મોત્સવને લઈ યાત્રિકો ઉત્સાહિત બન્યા છે. દ્વારકામાં ગોમતીઘાટ સહિતના કિનારે બહોળી સંખ્યામાં યાત્રિકો જોવા મળી રહ્યા છે પવિત્ર ગોમતીમાં સ્નાન કરી ભક્તો પોતાને નજાણ્યે થયેલ પાપોને ધોઈ રહ્યા છે.
શામળાજી વાસીઓમાં અનેરો થનગનાટ
યાત્રાધામ શામળાજી ખાતે શ્રી કૃષ્ણ જન્માષ્ટમી મહોત્સવની ભાવ અને શ્રદ્ધાપૂર્વક ઉજવણી કરવા મંદિર ટ્રસ્ટ અને ગામના યુવાનો દ્વારા તડામાર તૈયારીઓ ચાલુ કરવામાં આવી છે. જગતના નાથના જન્મોત્સવને વધાવવા શામળાજી વાસીઓમાં અનેરો થનગનાટ જોવા મળી રહ્યો છે. યાત્રાધામ શામળાજી ખાતે ભગવાન શ્રી કૃષ્ણ જન્મોત્સવ ઉજવવા ભક્તો સહિત ગામના યુવાનોમાં એક અનેરો ઉત્સાહ જોવા મળી રહ્યો છે.
આ ઉત્સવમાં વિદેશી ભક્તોએ પણ ભાગ લીધો
આ પ્રસંગે મોટી સંખ્યામાં વિદેશી ભક્તોએ પણ ઇસ્કોન અને રાધા દામોદર મંદિર, વૃંદાવનમાં દેવી-દેવતાઓના દર્શન કર્યા હતા. આજે મંદિરમાં વિશેષ આરતી સમારોહમાં ઘણા વિદેશી ભક્તોએ હાજરી આપી હતી. વિવિધ દેશોમાંથી સેંકડો ભક્તોએ કૃષ્ણ બલરામ મંદિરની મુલાકાત લીધી હતી. મથુરા જિલ્લા વહીવટીતંત્રે ભીડ અને નાસભાગ જેવી પરિસ્થિતિને ટાળવા માટે બાંકે બિહારી મંદિરની અંદર ભક્તોની સંખ્યા મર્યાદિત કરવાનો નિર્ણય લીધો હતો.
મુંબઈમાં દહીં હાંડીનું આયોજન કરાયું
મુંબઈમાં કૃષ્ણ જન્માષ્ટમી નિમિત્તે આયોજિત દહી હાંડી ઉત્સવ દરમિયાન અલગ-અલગ ઘટનાઓમાં ઓછામાં ઓછા 35 ગોવિંદા ઘાયલ થયા હતા. આ ઉત્સવ દરમિયાન ગોવિંદા અથવા દહીં હાંડી સહભાગીઓ હવામાં લટકાવેલી દહીં હાંડી તોડવા માટે માનવ પિરામિડ બનાવે છે. સમગ્ર શહેરમાં આ તહેવારની ધામધૂમથી ઉજવણી કરવામાં આવી હતી.
પંજાબ અને હરિયાણામાં પણ જન્માષ્ટમીની ઉજવણી
પંજાબ અને હરિયાણામાં પણ જન્માષ્ટમીની ઉજવણી પરંપરાગત ઉત્સાહ અને ધાર્મિક ઉત્સાહ સાથે કરવામાં આવી હતી. ભારે સુરક્ષા વ્યવસ્થા વચ્ચે હજારો લોકોએ મંદિરોમાં પૂજા અર્ચના કરી હતી, સમગ્ર પ્રદેશના મંદિરોમાં કૃષ્ણના સ્તોત્રો અને પ્રવચનોનું આયોજન કરવામાં આવ્યું હતું. બાલગોપાલની મૂર્તિઓને ઝુલાઓ પર શણગારવામાં આવી હતી જે ભક્તો દ્વારા વિધિપૂર્વક ઝૂલવામાં આવી હતી.
_0.jpg)
