ટીપ્પણી / સ્વામિનારાયણ સંપ્રદાયના સંતોના વિવાદાસ્પદ નિવેદનનો જૈનાચાર્ય સૂર્યસાગરજીએ કર્યો વિરોધ, કહ્યું  ગુણો અને આચરણથી બનાય છે સાધુ

• સ્વામિનારાયણ સંપ્રદાયના સંતોનો વિરોધ
• જૈનાચાર્ય સૂર્યસાગરજીએ કર્યો વિરોધ
• ડાકુ અને દુષ્કર્મી સાથે કરી સાધુની સરખામણી

સ્વામિનારાયણ સંપ્રદાયના સંતોના વિવાદાસ્પદ નિવેદને લઈ લોકોની લાગણી દુભાઈ છે જેને લઈ તમામ ધર્મના સંતો મહંતો પણ વિવાદમાં ઝંપલાવ્યું છે દરેક ધર્મના સંતો-મહંતો પણ ભગવાનની થયેલી ટીપ્પણીનો વિરોધ કરી રહ્યાં છે સાથો સાથ પોત-પોતાના આચાર અને વિચારો પણ રજૂ કરતા હોય છે તેવામાં સ્વામિનારાયણ સંપ્રદાયના અમુક સંતો નિવેદન પર જૈનાધર્મના સંતો-મહંતોએ પણ આ ટીપ્પણીમાં ઝંપલાવ્યું છે.

ડાકુ અને દુષ્કર્મી સાથે વિવાદિત સાધુઓને સરખાવ્યા
જેને હજારો લોકો અનુસરે છે, જેના એક વચન પર હજારો ભક્તોના જીવન બદલાય છે, એવા સંતો પોતાની જવાબદારી ભુલી વાણી વિલાસ કરી રહ્યા છે. સંતો જેમના જીવનમાં સંયમનું વિશેષ મહત્વ હોય છે એ જ સંતો પોતાની જીભ પરથી સંયમ ગુમાવી રહ્યા હોય તેવું લાગે છે. તાજેતરમાં સ્વામી નારાયણ સંપ્રદાયના કેટલાક સંતોના વિવિધ વિડીયો સોશિયલ મીડિયા પર વાઈરલ થઈ રહ્યા છે. જેમાં હિન્દુ ધર્મના દેવી દેવતાઓનું અપમાન કરવામાં આવી રહ્યું છે. સ્વામિનારાયણ સંપ્રદાય માત્ર 200 વર્ષ જૂનો છે. સનાતન ધર્મ પર ટિપ્પણી કરવાનો આવા સંતોને કોઇ અધિકાર નથી. વિવાદીત સંતોને ડાકુ અને દુષ્કર્મી સાથે સરખાવ્યા હતા.

સાધુ માત્ર વસ્ત્રો ધારણ કરવાથી નથી બની જવાતું- જૈનાચાર્ય સૂર્યસાગરજી
સામાન્ય રીતે કહેવાય છે કે એક્તામાં અનેકતા પણ જાતિ, ધર્મ અને ઉચ્ચ-નીચના ભેદભાવધી દેશની એકતા ડોહળાય છે તેવામાં ધાર્મિક સ્થળ, ધર્મ, સંપ્રદાય કે ભગવાનને લઈ ટીપ્પણી કરવાથી લોકોની લાંગણી દુભાતી હોય છે અને મોટા ઝગડા અને વિવાદનું કારણ પણ બનતું હાય છે. તેવામાં સ્વામિનારાયણ સંપ્રદાયના સંતોના વિવાદાસ્પદ ટિપ્પણીને લઇ જૈનાચાર્ય સૂર્યસાગરજીએ નિવેદન આપતા જણાવ્યું હતું કે, સાધુ માત્ર વસ્ત્રો ધારણ કરવાથી નથી બની જવાતું પણ સાધુ-સંત હમેશા ગુણો અને આચરણથી બનાય છે.

સ્વામિનારાયણ સંપ્રદાયના સાધુઓના કેટલાક વીડિયો સોશિયલ મીડિયા પર હાલમાં ખૂબ વાયરલ થઈરહ્યા છે. જેમાં ભગવાન પર આપત્તીજનક ટીપ્પણી કરી હોવાના દાવા થઈ રહ્યા છે. જો કે કેટલાક સાધુઓનું કહેવું છે કે તેમના પ્રવચનને તોડી મરોડીને રજૂ કરવામાં આવી રહ્યા છે. વડતાલ મંદિરના ધર્મવલ્લભ સ્વામીનો આવો જ એક વીડિયો વાઈરલ થયો હતો જેમાં તે ભગવાન કૃષ્ણ વિરૂદ્ધ બોલતા હોય તેવું દર્શાવવામાં આવ્યું હતુ. જો કે ધર્મવલ્લભ સ્વામીએ આ વિડીયો અંગે સ્પષ્ટતા કરતો વધુ એક વીડિયો સોશિયલ મિડીયા પર પોસ્ટ કર્યો છે. અને પોતે ભગવાન કૃષ્ણનું કોઈ અપમાન ન કર્યું હોવાનું જણાવ્યું છે.