- પૂજા સામગ્રી હાથમાંથી નીચે પડવી અશુભ
- ભગવાનની મૂર્તિને સાચવીને કરો સાફ
- સિંદૂર પણ ન પડવુ જોઇએ નીચે
આપણે ઘણી એવી બાબતોને હસી મજાકમાં ધ્યાનમાં લેતા નથી. જેવી રીતે પૂજાની સામગ્રીમાં કોઇ કચાશ રાખતા નથી તે રીતે પૂજાની સામગ્રી સાચવવી એટલી જ જોઇએ. કારણ કે જો આવી કોઇ વસ્તુ તમારા હાથમાંથી પડી જાય તો અપશુકન ગણાય છે. જો કે ઘણીવાર થાય પણ છે એવુ કે પૂજાનો સામાન જમીન પર પડી જાય. ત્યારે આવો જાણીએ કઇ વસ્તુ હાથમાંથી પડી જવાથી અપશુકન ગણાય.
સિંદૂર પડવું
સિંદૂરનો સંબંધ શુભ અને સૌભાગ્યનું પ્રતિક માનવામાં આવે છે. જો કોઈ વ્યક્તિના હાથમાંથી સિંદૂર પડી જાય છે, તો તેનો અર્થ એ છે કે પરિવાર અથવા પતિ પર કોઈ પ્રકારની મુશ્કેલી આવવાની છે. જો આવું થાય સિંદૂરને પગ કે સાવરણીથી સાફ ન કરવુ જોઇએ. સ્વચ્છ કપડાથી ઉપાડીને બોક્સમાં રાખવું જોઈએ.
પ્રસાદ પડવો
એવું માનવામાં આવે છે કે હાથમાંથી પૂજાનો પ્રસાદ પડવો પણ અશુભ છે. જો તમારી સાથે પણ આવું થતું હોય તો તરત જ પ્રસાદને લઇને કપાળ પર લગાવવો જોઈએ. જો તમે તેને ખાતા નથી, તો તેને પાણીમાં ફેંકી દો અથવા તેને વાસણમાં મૂકી દો. જેથી પ્રસાદનું અપમાન ન થાય. પ્રસાદ પડવો એ કોઈ મનોકામના પૂર્ણ થતા થતા રહી જાય છે.
પાણીથી ભરેલો કળશ
એવું માનવામાં આવે છે કે પૂજા માટે કળશમાં પાણી લઈ જતી વખતે જો તે હાથમાંથી પડી જાય તો તેને અશુભ સંકેત માનવામાં આવે છે. પાણીથી ભરેલો લોટો અથવા પાણીથી ભરેલો ગ્લાસ હાથમાંથી પડવો શુભ નથી. હાથમાંથી પાણી પડવું એટલે પિતૃઓ ગુસ્સે થયા હોવાનું માનવામાં આવે છે. જ્યારે આવું થાય ત્યારે પરિવારમાં સમસ્યા ઊભી થાય છે.
ભગવાનની મૂર્તિ
જ્યોતિષ શાસ્ત્ર અનુસાર ભગવાનની મૂર્તિને સાફ કરતી વખતે કે ઉપાડતી વખતે ખૂબ કાળજી રાખવી જોઈએ. હાથમાંથી પડીને ભગવાનની મૂર્તિ તોડવી અશુભ માનવામાં આવે છે. એવું માનવામાં આવે છે કે આના કારણે પરિવારના વરિષ્ઠ સભ્ય પર સંકટ આવવાનું છે. અથવા પરિવારમાં કોઈ પ્રકારની મોટી ઉથલપાથલ થઈ શકે છે. જો તમારી સાથે ઘરમાં આવું કંઈક થાય છે, તો તેને પાણીમાં ફેંકી દેવું જોઈએ.
